Kamus-ı Muhit - المفصل maddesi

اَلْمَفْصِلُ [el-mefṡil] (مَنْزِلٌ [menzil] vezninde) فَصْلٌ [faṡl]-ı meşrûh gibi bu dahi bedende olan en ve oynak yerine denir; cemʹi مَفَاصِلُ [mefâṡil]dir, ke-mâ se-yuzkeru.

اَلْمِفْصَلُ [el-mifṡal] (مِنْبَرٌ [minber] vezninde) Dile ıtlâk olunur, لِسَانٌ [lisân] maʹnâsına.

اَلْمُفَصَّلُ [el-mufaṡṡal] (مُعَظَّمٌ [muʹażżam] vezninde) Suver-i Ḵur΄âniyye’den ibtidâ sûre-i Hucurât’tan âhir-i Ḵur΄ân’a kadar ıtlâk olunur. Ve asahh-ı akvâl budur. Ve ʹalâ-kavlin sûre-i Câšamp;iye’den yâhûd sûre-i Ḵıtâl’den ve İmâm Nevevî kavli üzere sûre-i Ḵâf’tan ve ʹalâ-re΄yin sûre-i Ṡâffât’tan yâhûd sûre-i Ṡaff ve İbn Ebi’ṡ-Ṡayf rivâyeti üzere Tebâreke sûresinden ve Dizmârî kavlince innâ fetehnâ sûresinden ve fakîh-i Şâm olan Firkâḩ rivâyeti üzere sebbihi’sme rabbike’l-aʹlâ sûretinden ve Ḣaṯṯâbî kavlince Ḋuḩâ sûresinden âhir-i Ḵur΄ân’a kadar ıtlâk olunur. Suver-i merkûme beynlerinde فُصُولٌ [fuṡûl] kesîr olduğu için yâhûd bunlarda âyet-i mensûha kalîl olduğu için ıtlâk olundu.

Vankulu Lugatı - المفصل maddesi

اَلْمُفَصِّلُ [el-mufaṡṡil] (mîm’in fethi ve ṡâd’ın kesriyle) Aʹzâda olan en yeri.

اَلْمِفْصَلُ [el-mifṡal] (mîm’in kesri ve ṡâd’ın fethiyle) Dil, lisân maʹnâsına.

اَلْمُفَصَّلُ [el-mufaṡṡal] (mîm’in zammı ve ṡâd’ın fethi ve teşdîdiyle) Şol inci dizisidir ki her iki incinin beyni bir boncukla fasl olunmuş ola; yukâlu: عِقْدٌ مُفَصَّلٌ إِذَا جُعِلَ بَيْنَ لُؤْلُؤَتَيْنِ خَرَزَةٌ