حَقْلُ [Ḩaḵl] (تَمْرٌ [temr] vezninde) Cebel-i Ece΄ kurbünde bir karyedir. Ve Eyle kurbünde bir karyedir. Ve kabîle-i Suleym yurdunda bir dere adıdır. Ve sâhil-i şehr-i Teymâ ismidir.
اَلْحَقْلُ [el-ḩaḵl] (عَقْلٌ [ʹaḵl] vezninde) Toprağı pâk ve münbit tarlaya denir, حَقْلَةٌ [ḩaḵlet] dahi denir, تَمْرٌ [temr] ve تَمْرَةٌ [temret] gibi; ve minhu’l-meselu: “لَا تُنْبِتُ الْبَقْلَةَ إِلَّا الْحَقْلَةُ” Cevher-i insâniyyet asîl adamdan me΄mûldür diyecek yerde îrâd olunur. Ve
حَقْلٌ [ḩaḵl] Yaprakları gereği gibi şuʹbelenip tarlayı basmış gür ve onat gök ekine denir, ʹalâ-kavlin derneklenip topraktan zuhûra başlamış olan yâhûd henüz tâze ve yeşil iken ıtlâk olunur.
اَلْإِحْقَالُ [el-iḩḵâl] (hemzenin kesri ile) Bi-maʹnâhu; yukâlu: أَحْقَلَ الزَّرْعُ Ve
حَقْلٌ [ḩaḵl] Kezâlik pâk yere derler.
Sitemizde detaylı hızlı ve kolay arama ekranı