خُرَيْقٌ [Ḣureyḵ] (زُبَيْرٌ [zubeyr] vezninde) Esmâdandır: Zubeyr b. Ḣureyḵ tâbiʹîndendir.
اَلْخَرِيقُ [el-ḣarîḵ] (أَمِيرٌ [emîr] vezninde) Çayırlı çimenli olan düz oturaklı aralık yere denir. Cemʹi خُرُقٌ [ḣuruḵ] gelir, كُتُبٌ [kutub] vezninde; tekûlu: مَرَرْتُ بِخَرِيقٍ أَيْ مُطْمَئِنِّ مِنَ الْأَرْضِ وَفِيهِ نَبَاتٌ Ve pek esen soğuk yele denir. Ve yumuşak latîf ve muʹtedil esen yele denmekle zıdd olur. ʹAlâ-kavlin bir düzeye tersine esen yele denir yâhûd uzun uzadı esen yele denir. Ve minhu yukâlu: كَأَنَّهُ خَرِيقٌ فِي خَرِيقٍ أَيْ رِيحٌ بَارِدَةٌ شَدِيدَةٌ هَبَّابَةٌ وَكَذَا لَيِّنَةٌ سَهْلَةٌ أَوِ الرَّاجِعَةُ الْمُسْتَمِرَّةُ السَّيْرِ أَوِ الطَّوِيلَةُ الْهُبُوبِ Ve şol kuyuya denir ki dibinde olan kayası yâhûd pek yeri sudan oyulmuş ola. Cemʹi خَرَائِقُ [ḣarâ΄iḵ] gelir ve خُرُقٌ [ḣuruḵ] gelir zammeteynle. Ve
خَرِيقٌ [ḣarîḵ] Veled yırtmakla döl tutmaz olan rahime denir, مُنْخَرِقَةٌ [munḣariḵat] gibi. Ve derin olmayan su arkına denir ki câ-be-câ ağaçlık ola. Ve derenin nihâyetinde olan açıklık geniş yere denir.
Sitemizde detaylı hızlı ve kolay arama ekranı