Kamus-ı Muhit - سند maddesi

سَنْدُ [Send] (قَنْدٌ [ḵand] vezninde) Bâcce eyâletinde bir beldedir.

اَلسَّنَدُ [es-sened] (sîn’in ve nûn’un fethiyle) Dağın eteğinden yukarı olup duvar gibi müteveccihin mukâbelesine gelen yerine denir; yukâlu: نَزَلُوا قُرْبَ سَنَدِ الْجَبَلِ وَهُوَ مَا قَابَلَكَ مِنْهُ وَعَلا عَنِ السَّفْحِ Ve bir kimsenin muʹtemedine kezâlik melce΄ ve penâhına denir. Delîl ve burhâna sened ıtlâkı bu maʹnâdandır ki müddeʹî ona dayanır. Pes muʹtemed-i hissî ve maʹnevîden eʹammdır; yukâlu: هُوَ سَنَدُهُ أَيْ مُعْتَمَدُهُ وَهُوَ قَوِيُّ السَّنَدِ Ve

سَنَدٌ [sened] Bir nevʹ kumaş-ı Yemenî ismidir. Cemʹi أَسنَادٌ [esnâd] gelir, ʹalâ-kavlin müfred ve cemʹi berâberdir.

اَلسِّنْدُ [es-Sind] (هِنْدٌ [hind] vezninde) Bilâd-ı maʹrûfe ismidir. ʹAlâ-kavlin insândan bir tâ΄ife adıdır ki ülke-i mezbûrda sâkin olmalarıyla ülke-i mezbûr onlar ile tesmiye olundu. Müfredinde سِنْدِيٌّ [Sindiyy] denir, هِنْدِيٌّ [hindiyy] gibi. Şârih der ki Sind iklîm-i maʹrûftur, Sind b. Ḩâm isminden me΄hûzdur, iklîm-i Hind’e mücâvirdir. Ve

سِنْدٌ [Sind] Hindistân’da bir nehr-i kebîr ismidir. Ve Endelüs’te bir nâhiye adıdır. Ve Maġrib’de bir belde adıdır.

Vankulu Lugatı - سند maddesi

اَلسَّنَدُ [es-sened] (fethateynle) Dağın mukâbileye gelen yeri. Ve

سَنَدٌ [sened] Muʹtemedün ʹaleyh maʹnâsına da gelir.

سِنْدٌ [Sind] (sîn’in kesri ve nûn’un sükûnuyla) bir vilayetin adıdır, müfredinde سِنْدِيٌّ [Sindiyy] derler ve cemâʹatinde سِنْدٌ [Sind] derler, زِنْجِيٌّ [zinciyy]le زِنْجٌ [zinc] gibi.