اَلْمَارِدُ [el-mârid] ʹÂtî ve tâgîye denir, niteki zikr olundu. Ve yüksek nesneye denir; yukâlu: بِنَاءٌ مَارِدٌ أَيْ مُرْتَفِعٌ Ve bu mecâzdır. Ve
مَارِدُ [Mârid] Yemâme’de ʹÂriḋ nâm cebel-i maʹrûfun burun gibi çıkan sivri uçlarında bir niçe yüksek siyâh kayaların adıdır. Ve Dûmetu’l-Cendel kazâsında bir hisâr ismidir, niteki Teymâ΄ kazâsında Eblaḵ nâm bir hisâr dahi vardır ki ikisi de menîʹ ve metîn hısn-ı hasînlerdir. Melike-i Ḩîre olan Zebbâ΄ nice zamân feth ve teshîrleri bâbında ikdâm-ı bî-pâyân edip encâm-ı kâr ʹâciz ve nevmîd olmakla vech-i mezkûr üzere “تَمَرَّدَ مَارِدٌ وَعَزَّ الْأَبْلَقُ” diyerek ye΄s ve hirmânla ʹavdet eylemiştir ve kelâm-ı mezbûr min-baʹd darb-ı mesel olmakla ʹuhde-i iktidârdan bîrûn olan ʹazîz ve mümteniʹ hakkında îrâd olunur.
مَارِدٌ [Mârid] Bir hisârın ismidir.
Sitemizde detaylı hızlı ve kolay arama ekranı