مَدَرَى [Mederâ] (جَمَزَى [cemezâ] vezninde) Cibâl-i Nuʹmân’dan bir cebel adıdır.
مَدْرَى [Medrâ] (مَجْرَى [mecrâ] vezninde) Becîle kabîlesine mahsûs bir karye adıdır.
اَلْمِدْرَى [el-midrâ] (mîm’in kesriyle) Tarağa denir, مُشْطٌ [muşṯ] maʹnâsına. Şârih der ki ümmehât-ı sâ΄irede مِدْرَى [midrâ] şol demirden düzülmüş pençe şeklinde küçük parmaklı kaşığa denir ki onunla ʹavretler başlarını kaşıyıp saçlarını düzeltirler. İntehâ. Ve
مِدْرَى [midrâ] Toplu ve sancak taʹbîr olunan demir ve altın iğneye denir ki hatunlar onunla saçlarını düzeltirler, Fârisîde ser-ḣâre denir; hâlen mesmûʹumuza göre İslâmbol hanımları mücevher iğne taʹbîr ettikleridir. Ve
مِدْرَى [midrâ] Boynuza denir قَرْنٌ [ḵarn] maʹnâsına; cemʹi مَدَارِي [medârî] gelir, مَجَارِي [mecârî] gibi ve مَدَارَى [medârâ] gelir mîm’in ve râ’nın fethiyle.
Sitemizde detaylı hızlı ve kolay arama ekranı