اَلْمَرْوُ [el-merv] (mîm’in fethi ve râ’nın sükûnuyla) Bir cins ak ve berrâk çakmak taşına denir ki frenk taşı dedikleridir, ekserî tüfek çakmaklarına uydururlar, ʹalâ-kavlin be-gâyet pek ve metîn taşa denir; müfredi مَرْوَةٌ [mervet]tir; yukâlu: أَرْضٌ بِهَا مَرْوٌ وَهِيَ حِجَارَةٌ بِيضٌ بَرَّاقَةٌ تُورِي النَّارَ أَوْ أَصْلَبُ الْحِجَارَةِ Ve
مَرْوٌ [merv] Bir şecer adıdır, müfredâtta مَرْوٌ [merv] envâʹ-ı reyâhîne ıtlâk olunur. İsm-i cins menzilinde olmak üzere mersûmdur, mutlakan zikr olundukta mermâhûz murâd olur ki koca yarpuzu dedikleridir. Ve
مَرْوٌ [Merv] Fâris ülkesinde bir belde adıdır; nisbetinde مَرْوِيٌّ [Merviyy] denir ve مَرَوِيٌّ [mereviyy] denir, عَرَبِيٌّ [ʹarabiyy] vezninde ve مَرْوَزِيٌّ [Merveziyy] denir zâ-yı muʹceme ziyâdesiyle ki gayr-i kıyâs üzeredir. Şârih der ki insân kısmıyla sâ΄ir nesnenin beynini fark için irtikâb eylediler. İnsânın nisbetinde مَرْوَزِيٌّ [Merveziyy] denir zâ’yla ve sevb makûlesi eşyâ΄ nisbetinde مَرْوِيٌّ [Merviyy] denir.
مَرْوُ [Merv] (mîm’in fethi ve râ’nın sükûnuyla) Bir şehrin ismidir.
اَلْمَرْوَةُ [el-mervet] (vezn-i mezbûr üzere) Vâhidi, zikr olunan çakmakların biri maʹnâsına. Ve Mekke-i müşerrefe’de olan Merve’ye مَرْوَةُ [mervet] dedikleri bu sebebdendir. Ve
مَرْوٌ [merv] Reyâhînden bir nevʹe dahi ıtlâk olunur.
Sitemizde detaylı hızlı ve kolay arama ekranı