مُصْدِرٌ [muṡdir] (مُحْسِنٌ [muḩsin] vezninde) Selefte cumâde’l-ûlâ ayının ismidir.
اَلْمُصَدَّرُ [el-muṡadder] (مُعَظَّمٌ [muʹażżam] vezninde) Kaviyyu’s-sadr adama denir; yukâlu: رَجُلٌ مُصَدَّرٌ أَيِ الْقَوِيُّ الصَّدْرِ Ve göğüsüne kadar ter çıkmış adama denir; yukâlu: رَجُلٌ مُصَدَّرٌ إِذَا بَلَغَ الْعَرَقُ صَدْرَهُ Ve şol koyun ve keçi ve at kısmına ıtlâk olunur ki göğüslerinin boğaza doğru üstleri beyâz ola. ʹAlâ-kavlin sığır ineği ve dişi koyundan göğüsleri siyâh olup sâ΄ir ʹuzvları beyâz olana ıtlâk olunur. Ve dâ΄imâ sâ΄ir atları sebk eder olan revende ve devende ata ıtlâk olunur. Ve şol oka ıtlâk olunur ki nısfından aşağı temren tarafına doğru kalınca ola; yukâlu: سَهْمٌ مُصَدَّرٌ أَيْ غَلِيظُ الصَّدْرِ Mü΄ellif ânifen صَدْرُ سَهْمٍ [ṡadru sehm]i vasatından inceldiği yere doğru ile tefsîr eyledi ki ona göre temrene doğru olan yeri olur, vechini dahi beyân eyledi, lâkin Esâs’ta مَا فَوْقَ النِّصْفِ إِلَى مَرَاشِهِ ʹibâretiyle tefsîr eylemekle ona münâfî olur. Ve
مُصَدَّرٌ [muṡadder] Nasîbsiz olan kumar oklarından evvelki oka denir. Ve arslana ve kurda مُصَدَّرٌ [muṡadder] ıtlâk olunur, kaviyyu’s-sadr oldukları için.
Sitemizde detaylı hızlı ve kolay arama ekranı