الْمُتَنَبِّئُ [el-mutenebbi΄] Ondan ism-i fâʹildir, nübüvvet-i kâzîbe müddeʹîsi olana denir, niteki şâʹir-i meşhûr sâhib-i dîvân Ebu’ṯ-Ṯayyib Aḩmed b. el-Ḩuseyn el-Kindî, arz-ı Semâve’de Benî Kelb kabîlesine varıp ibtidâ nesebi, İmâm Ḩasan radıyallâhu ʹanhu silsilesinden olduğunu daʹvâ edip baʹdehu nübüvvet iddiʹâsına düşmekle Mutenebbî ıtlâk eylediler. Baʹdehu Dimaşḵ-ı Şâm’da bu kabâhatine cemm-i gafîr şehâdet etmeleriyle ahz ve bir müddet habs olunduktan sonra tâ΄ib ve müstagfir olmakla ıtlâk olunmuştur.
Sitemizde detaylı hızlı ve kolay arama ekranı