Kamus-ı Muhit - التبع maddesi

اَلتُّبُّعُ [et-tubbuʹ] (tâ’nın ve bâ-yı müşeddedenin zammıyla) Gölgeye ıtlâk olunur, şemse tâbiʹ olduğu için; yukâlu: قَعَدَ فِي تُبُّعِ النَّخْلَةِ أَيْ ظِلِّهَا

اَلتُّبَعُ [et-tubaʹ] (صُرَدٌ [ṡurad] vezninde) Şol kimseye denir ki aralıksız silsile gibi muttasıl söyler ola; yukâlu: رَجُلٌ تُبَعٌ إِذَا كَانَ يُتْبِعُ بَعْضَ كَلاَمِهِ بَعْضًا

اَلتِّبْعُ [et-tibʹ] (tâ’nın kesriyle) Maʹşûkun ʹakibinden gölge gibi ayrılmayan ʹâşık-ı âşüfteye ıtlâk olunur; yukâlu: هُوَ تِبْعُ تِلْكَ الْمَرْأَةِ أَيْ عَاشِقُهَا وَتَابِعُهَا

اَلتَّبَعُ [et-tebaʹ] (fethateynle) ve

اَلتَّبَاعَةُ [et-tebâʹat] (سَلاَمَةٌ [selâmet] vezninde) Bir kimseye uymak maʹnâsınadır ki ona uyup ensesinde gitmek yâhûd uğrayıp koşulup bilece gitmekle olur; yukâlu: تَبِعَهُ تَبَعًا وَتَبَاعَةً مِنَ الْبَابِ الرَّابِعِ إِذَا مَشَى خَلْفَهُ أَوْ مَرَّ فَمَضَى مَعَهُ

اَلتُّبَّعُ [tubbaʹ] (سُكَّرٌ [sukker] vezninde) Gölgeye ıtlâk olunur, şemse tebaʹiyyeti için; yukâlu: إِسْمَأَلَّ التُّبَّعُ أَيِ ارْتَفَعَ الظِّلُّ Ve yeʹâsîbden yaʹnî arı kısmının bey taʹbîr olunan ser-gerdelerinden bir nevʹinin ismidir ki beylerbeyileri olacaktır; yukâlu: تَبِعَتِ النَّحْلُ تُبَّعَهَا وَهُوَ ضَرْبٌ مِنَ الْيَعَاسِيبِ يَعْنِي يَعْسُوبَهَا الْأَعْظَمَ Cemʹi تَبَابِيعُ [tebâbîʹ] gelir. Ve

تُبَّعٌ [tubbaʹ] Nâs maʹnâsına müstaʹmeldir; tekûlu: مَا أَدْرِي أَيُّ تُبَّعٍ هُوَ أَيْ أَيُّ النَّاسِ Ve Aḩmed b. Saʹîd et-Tubbaʹî muhaddistir.

Vankulu Lugatı - التبع maddesi

اَلتَّبَاعَةُ [et-tebâʹat] (kezâlik fethle) Tâbiʹ olmak; yukâlu: تَبِعْتُ الْقَوْمَ تَبَعًا وَتَبَاعَةً مِنَ الْبَابِ الرَّابِعِ إِذَا مَشَيْتَ خَلْفَهُمْ أَوْ مَرُّوا بِكَ فَمَضَيْتَ مَعَهُمْ

اَلتُّبَّعُ [et-tubbaʹ] (tâ’nın zammı ve bâ’nın fethi ve teşdîdiyle) Vâhidi. Ve

تُبَّعٌ [tubbaʹ] Gölgeye dahi derler, ظِلٌّ [żill] maʹnâsına. Ve sultâna ظِلُّ اللهِ dediklerine binâ΄en ihtimâldir ki melike تُبَّعٌ [tubbaʹ] demiş olalar, bu zikr olunan nüsah-ı Cevherî’nin zâhirinden fehm olunandır. Ammâ ʹibâre-i Ḵâmûs’ta gölge maʹnâsına olan تُبَّعٌ [tubbaʹ]ı zammeteynle tashîh etmiştir. Ve

تُبَّعٌ [tubbaʹ] Bir cins kuşun ismidir. Ve Ḵâmûs’ta ضَرْبٌ مِنَ الطَّيْرِ bedeline ضَرْبٌ مِنَ الْيَعَاسِيبِ demiş ki يَعْسُوبٌ [yaʹsûb] arı beğine derler. Bu takdîrce يَعْسُوبٌ [yaʹsûb]a تُبَّعٌ [tubbaʹ] ıtlâkı teşbîhen olmak ihtimâli vardır.