اَلْمَرَّارُ [el-Merrâr] (شَدَّادٌ [şeddâd] vezninde) Esâmîdendir: Merrâr el-Kelbî ve Merrâr b. Saʹîd el-Faḵʹasî ve Merrâr b. Munḵiž et-Temîmî ve Merrâr b. Selâme el-ʹİclî ve Merrâr b. Bişr eş-Şeybânî ve Merrâr b. Muʹâž el-Ḣareşî şâ΄irlerdir.
اَلْمُرَارُ [el-murâr] (mîm’in zammıyla) Bir nevʹ merâretli şecer ismidir, ʹuşb kısmının efdal ve azhamındandır. Deve kısmı yaprağından raʹy eyledikte dudakları çekilip büzülür, onun için İmru΄ulḵays’ın ceddine آكِلُ الْمُرَارِ [âkilu’l-murâr] derler idi, zîrâ dudakları devşirmeli olmakla dâ΄imâ sırıtır gibi dişleri açık durur idi. Ve şecer-i mezbûr âhir-i bahârda yetişir bir dikenliktir, deve dikeni nevʹindendir. Mıṡır’da baʹzılar مَرِيرٌ [merîr] ve baʹzılar دردرِيَّةٌ derler, varakı çükündür varakına şebîh ve sevâda mâ΄il ve yere mülâsık olur.
اَلْمَرُّ [el-merr] (mîm’in fethiyle) ve
اَلْمَرَّاتُ [el-merrât] (kezâlik mîm’in fethiyle) ve
اَلْمِرَارُ [el-mirâr] (mîm’in kesriyle) مَرَّةٌ [merret]in cemʹi; yukâlu: فُلَانٌ يَصْنَعُهُ ذَاتَ الْمِرَارِ أَيْ يَصْنَعُهُ مِرَارًا وَيَدَعُهُ مِرَارًا
اَلْمُرَارُ [el-murâr] (mîm’in zammı ve râ’nın tahfîfiyle) Bir acı ağacın ismidir ki deve onu yedikte dudağı devşirilip bir yere gelir.
Sitemizde detaylı hızlı ve kolay arama ekranı