اَلْمُصْحَفُ [el-muṡḩaf] (mîm’in harekât-ı selâsıyla) Sahîfelerin beyne’d-deffeteyn müctemiʹ olduğu kitâb-ı müşerrezden ʹibârettir. Binâ-i mechûlle أُصْحِفَ إِصْحَافًا terkîbinden me΄hûzdur; yukâlu: أُصْحِفَ إِذَا جُعِلَتْ فِيهِ الصُّحُفُ
اَلْمُصْحَفُ [el-muṡḩaf] (mîm’in zammı ve ḩâ’nın fethiyle) Bi-maʹnâhu.
اَلْمِصْحَفُ [el-miṡḩaf] (mîm’in kesri ve ḩâ’nın fethiyle) ve
اَلْمَصْحَفُ [el-maṡḩaf] (mîm’in ve ḩâ’nın fethiyle) Bi-maʹnâhu kezâlik. Ferrâ eyitti: ʹArab birkaç kelimede zammeyi sakîl görüp mîm’i meksûr ettiler hâlâ ki aslı zammdır,o kelimelerin biri مِصْحَفٌ [miṡḩaf] biri مِخْدَعٌ [miḣdaʹ] ve biri مِطْرَفٌ [miṯref] ve biri مِجْسَدٌ [micsed] ve biri مِغْزَلٌ [miġzel]dir, zîrâ مِصْحَفٌ [miṡḩaf] أَصْحَفْتُ den me΄hûzdur, جَمَعْتُ فِيهَا الصُّحُفَ maʹnâsına. Ve مِخْدَعٌ [miḣdaʹ] أَخْدَعَ den me΄hûzdur, kezâlik imsâk ve cemʹ maʹnâsına ki مِخْدَعٌ [miḣdaʹ] hizâne maʹnâsınadır. Ve مِطْرَفٌ [miṯref] أُطْرِفَ فِي طَرَفَيْهِ عَلَمَانِ den me΄hûzdur. Ve مِجْسَدٌ [micsed] أُجْسِدَ den me΄hûzdur, أُلْصِقَ بِالْجَسَدِ maʹnâsına. Ve مِغْزَلٌ [miġzel] أُغْزِلَ den me΄hûzdur, أُدِيرَ ve فُتِلَ maʹnâsına.
Sitemizde detaylı hızlı ve kolay arama ekranı