Kamus-ı Muhit - جمع maddesi

اَلْجُمْعُ [el-cumʹ] (cîm’in zammıyla) Biriktirilmiş nesneye denir. Bu münâsebetle yumruğa جُمْعُ الْكَفِّ [cemʹu’l-keff] ıtlâk olunur; yukâlu: ضَرَبَهُ بِجُمْعِ الْكَفِّ وَهُوَ حِينَ يَقْبِضُهَا Cemʹi أَجْمَاعٌ [ecmâʹ] gelir. Ve mektûm ve mestûr nesneye ıtlâk olunur; yukâlu: أَمْرُهُمْ بِجُمْعٍ أَيْ مَكْتُومٌ وَمَسْتُورٌ Ve bâkire kıza ıtlâk olunur; yukâlu: هِيَ مِنْ زَوْجِهَا بِجُمْعٍ أَيْ عَذْرَاءُ Ve hep ve cümle maʹnâsınadır; yukâlu: ذَهَبَ الشَّهْرُ بِجُمْعٍ أَيْ كُلُّهُ Bu maʹnâların mecmûʹunda cîm’in kesriyle de câ΄izdir. Ve

جُمْعٌ [cemʹ] (cîm’in harekât-ı selâsıyla) Bikr kıza yâhûd gebe hatuna yâhûd hamli ağırlaşıp vakti çatmış olanına ıtlâk olunur; yukâlu: مَاتَتْ بِجُمْعٍ أَيْ عَذْرَاءَ أَوْ حَامِلاً أَوْ مُثْقَلَةً

اَلْجَمْعُ [el-cemʹ] (سَمْعٌ [semʹ] vezninde) Dağınık nesneyi biriktirmek maʹnâsınadır; yukâlu: جَمَعَ الْمَالَ الْمُتَفَرِّقَ جَمْعًا مِنَ الْبَابِ الثَّالِثِ إِذَا لَفَّهُ Ve

جَمْعٌ [cemʹ] İyi ve cins olmayan hurmâya denir. ʹAlâ-kavlin bir nevʹ hurmâ ismidir yâhûd çekirdekten yetişip ne cins olduğu ve ismi ne olduğu maʹlûm olmayanına denir. Ve

جَمْعٌ [cemʹ] Kıyâmete ıtlâk olunur; يَوْمُ الْجَمْعِ [yevmu’l-cemʹ] yevmü’l-kıyâmettir. Ve hâssaten samg-ı ahmere denir. Ve cemâʹat-i insânîye denir; cemʹi جُمُوعٌ [cumûʹ]dur. Ve

جَمْعٌ [cemʹ] Memeleri صِرَارٌ [ṡirâr] ile bağlı olan nâkanın sütüne denir, niteki فُوَاقٌ [fuvâḵ] بَاهِلَةٌ [bâhilet]in yaʹnî memesi bağlı olmayanın sütüne denir. Ve Muzdelife’ye ıtlâk olunur, onda nâs müctemiʹ olduğu için.

Vankulu Lugatı - جمع maddesi

جُمَعٌ [cumaʹ] (cîm’in zammı ve mîm’in fethiyle) جُمْعَةٌ [cumʹat]ın cemʹi, nitekim mürûr etti. Ve جَمْعَاءُ [cemʹâ΄]ın dahi cemʹi gelir, egerçi جَمْعَاءُ [cemʹâ΄]ın cemʹinde lâyık olan bu idi ki elifle ve tâ ile cemʹ oluna idi, nitekim أَجْمَعُ [ecmaʹ] lafzını vâv’la nûn’la cemʹ ettiler, lâkin onun cemʹinde جُمَعٌ [cumaʹ] dediler cîm’in zammı ve mîm’in fethiyle.

اَلْإِجْتِمَاعُ [el-ictimâʹ] (hemzenin ve tâ’nın kesriyle) Cemʹ olup bir yere gelmek; yukâlu: جَمَعْتُ الشَّيْءَ الْمُتَفَرِّقَ فَاجْتَمَعَ Ve

جَمْعٌ [cemʹ] Cemâʹat maʹnâsına da gelir.