رَجَّالٌ [Reccâl] (شَدَّادٌ [şeddâd] vezninde) İbn ʹUnfuve’dir ki dergâh-ı Hazret-i risâlet-penâhîye Benû Ḩanîfe ile bilece vüfûd eyledi, baʹdehu mürtedd olup Müseylime nâm kezzâba ittibâʹ eylemekle melhame-i Yemâme’de Zeyd b. Ḣattâb’ın delâlet-i şemşîriyle vâsıl-ı ser-i menzil-i saʹîr oldu. Bunu ḩâ-yı mühmele ile resm edenler vehm eylemiştir. Ve Reccâl b. Hind şâʹirdir.
رِجَالٌ [Ricâl] (كِتَابٌ [kitâb] vezninde) Esâmîdendir: Ebu’r-Ricâl Sâlim b. ʹAṯâ tâbiʹî muhaddistir, vâlidesi ʹAmre’den rivâyet-i hadîs eyledi. Ve ʹUbeyd b. Ricâl şeyh-i Ṯaberânî’dir.
اَلرِّجَالُ [er-ricâl] (râ’nın kesriyle) رَجْلَى [reclâ]nın cemʹi, عَجْلَانُ [ʹaclân] ve عَجْلَى [ʹaclâ] ve عِجَالٌ [ʹicâl] gibidir. Ve رِجَالٌ [ricâl] رَجُلٌ [recul]un dahi cemʹi gelir, kişiler maʹnâsına. Ve
رِجَالٌ [ricâl] Piyâde ʹavretler maʹnâsına da gelir.
Sitemizde detaylı hızlı ve kolay arama ekranı