اَلْعَبْرَةُ [el-ʹabret] (تَمْرَةٌ [temret] vezninde) ve
اَلْعِبَارَةُ [el-ʹibâret] (كِتَابَةٌ [kitâbet] vezninde) İsmlerdir, mâ-fi’z-zamîri beyân eden kelâma denir; tekûlu: أَعْرَبْتُ عَمَّا فِي الضَّمِيرِ بِالْعَبْرَةِ وَالْعِبَارَةِ وَهُوَ حُسْنُ الْعَبْرَةِ وَالْعِبَارَةِ وَهُوَ الْكَلاَمُ الْعَابِرُ مِنْ لِسَانِ الْمُتَكَلِّمِ إِلَى سَمْعِ السَّامِعِ Ve
عَبْرَةٌ [ʹabret] Henüz göz içre olup taşra cereyân eylememiş olan göz yaşına denir, ʹalâ-kavlin derûn-ı sînede mütereddid olan bükâya denir ve ʹalâ-re΄yin bükâsız olan hüzn ve endûha denir. Kavl-i evvele göre mâ-ye΄ûlü ileyhi ve ahîrlere göre sebebiyyet-i ʹâdiyye münâsebetiyledir. Cemʹi عَبَرَاتٌ [ʹabarât] gelir, fetehâtla ve عِبَرٌ [ʹiber] gelir, عِنَبٌ [ʹineb] vezninde. Kâle fi’l-Esâs: تَحَلَّبَتْ عَبْرَتُهُ أَيْ دَمْعَتُهُ وَتَقُولُ لاَ عِبْرَةَ بِعَبْرَةِ مُسْتَعْبَرٍ مَا لَمْ تَكُنْ عَبْرَةَ مُعْتَبِرٍ
اَلْعِبْرَةُ [el-ʹibret] (ʹayn’ın kesri ve bâ’nın sükûnuyla) İsmdir, إِعْتِبَارٌ [iʹtibâr]dan. Ve
عِبْرَةٌ [ʹibret] Geçmiş nesnelere iʹtibâr etmek.
Sitemizde detaylı hızlı ve kolay arama ekranı