اَلتَّنَوُّمُ [et-tenevvum] (تَفَعُّلٌ [tefaʹʹul] vezninde) İhtilâm olmak maʹnâsına müstaʹmeldir; yukâlu: تَنَوَّمَ الرَّجُلُ إِذَا احْتَلَمَ
اَلتَّنُّومُ [et-tennûm] (تَنُّورٌ [tennûr] vezninde) Bir cins yemişli şecer ismidir. Baʹzı müfredâtta bunu خَمَّانٌ [ḣammân] ile beyân eylemişler ki Türkîde mürver dedikleri nebattır, kebîri ve sagîri olur, kebîri şecere karîbdir, sagîrine yer mürveri taʹbîr olunur. Ve Tuḩfe tercemesinde ṡâmiryûmâdan yaʹnî pânbâl otu ve günebakan dedikleri nebâttan bir nevʹ olmak üzere mersûmdur; semerini tere tohumuyla şürb solucanları muhric ve varakını sirke ile zımâd bedenden siğilleri kâliʹdir; müfredi تَنُّومَةٌ [tennûmet]tir.
اَلتَّنُّومُ [et-tennûm] (tâ’nın fethi ve nûn’un zammı ve teşdîdiyle) Şol ağaçtır ki onun bir cins ufak yemişi olur ki çekirdeğinden ayrılır, onu ehl-i bâdiye ekl eyler.
Sitemizde detaylı hızlı ve kolay arama ekranı