اَلتَّهِمُ [et-tehim] (كَتِفٌ [ketif] vezninde) Bed râyiha bağlamış nesneye denir.
اَلتَّهَمُ [et-tehem] (fethateynle) Yağ ve et makûlesi nesne bozulmak maʹnâsınadır; yukâlu: تَهِمَ الدُّهْنُ وَاللَّحْمُ تَهَمًا مِنَ الْبَابِ الرَّابِعِ إِذَا تَغَيَّرَ Ve bir nesne bed râyiha bağlamak maʹnâsınadır ki kokmak taʹbîr olunur; yukâlu: تَهِمَ اللَّحْمُ إِذَا زَهِمَ Ve bir kimse bir nesneden ʹaczi zuhûr etmekle mütehayyir olmak maʹnâsınadır; yukâlu: تَهِمَ فُلَانٌ مِنْهُ إِذَا ظَهَرَ عَجْزُهُ وَتَحَيَّرَ Ve deve otladığı otluğu beğenmeyip yiğrenerek otlamakla içine sinmeyip zebûnlamak maʹnâsınadır; yukâlu: تَهِمَ الْبَعِيرُ إِذَا اسْتَنْكَرَ الْمَرْعَى فَلَمْ يَسْتَمْرِئْهُ Ve aslâ rüzgâr kımıldamayıp havâ râkid olarak be-gâyet ıssı olmak maʹnâsınadır; yukâlu: وَقَعْنَا فِي تَهَمٍ وَهُوَ شِدَّةُ الْحَرِّ وَسُكُونُ الرِّيحِ
اَلتَّهَمُ [et-tehem] (fethateynle) Masdardır, Tihâme’ye gelmek maʹnâsına.
Sitemizde detaylı hızlı ve kolay arama ekranı