Mü΄ellif gerçi bunları اَلْإِهْلاَكُ كَالتَّدْمِيرِ ʹibâretiyle tefsîr edip lâkin ümmehât-ı sâ΄irede sülâsî lâzım ve تَدْمِيرٌ [tedmîr] müteʹaddî olmak üzere mersûmdur. Hattâ Miṡbâḩ’ta دَمَارٌ [demâr] helâk maʹnâsına ism olmak üzere musarrahtır. Ve fi’l-Esâs حَلَّ بِهِمُ الدَّمَارُ وَقَدْ دَمَرُوا يَدْمُرُونَ وَهُوَ خَاسِرٌ دَامِرٌ أَيْ هَالِكٌ Ve
دُمُورٌ [dumûr] Bir mahalle izn ve destûrsuz duhûl eylemek maʹnâsınadır, nâgehânî bir şerr ve kerîhenin hücûmu gibi; meselâ baskın gibi ve sakîl ve nâ-tırâş dalkavuk makûlesinin meclise duhûlü ve sûfî hâcenin encümen-i yârân-ı ʹişret-kârâna nâgehânî duhûlü gibi; yukâlu: دَمَرَ عَلَيْهِمْ دُمُورًا إِذَا دَخَلَ بِغَيْرِ إِذْنٍ وَهَجَمَ هُجُومَ الشَّرِّ Şârihin beyânına göre bu maʹnâ mecâzdır, zîrâ ekserî destûrsuz bir yere dâhil olanlar maʹriz-i helâkta vâkiʹ olurlar.
Sitemizde detaylı hızlı ve kolay arama ekranı