اَلزَّنَجُ [ez-zenec] (fethateynle) Pek susamak, ʹalâ-kavlin ziyâdesiyle susuzluk çekmekle bağırsakları münkabız olup merâm üzere taʹâm ve şarâbdan kalmak maʹnâsınadır; yukâlu: زَنِجَ الرَّجُلُ زَنَجًا مِنَ الْبَابِ الرَّابِعِ إِذَا عَطِشَ شَدِيدًا أَوْ هُوَ أَنْ تُقْبَضَ أَمْعَاؤُهُ وَمَصَارِينُهُ مِنَ الْعَطَشِ وَلاَ يَسْتَطِيعُ إِكْثَارَ الطُّعْمِ وَالشُّرْبِ
اَلزَّنْجٌ [ez-zenc] (zâ’nın fethi ve nûn’un sükûnuyla ve zâ’nın kesriyle zebân-zeddir) ve
اَلْمَزْنَجَةُ [el-Meznecet] (mîm’in ve nûn’un fethiyle) ve
اَلزُّنُوجُ [ez-Zunûc] (zâ’nın zammıyla) Karalardan bir tâ΄ifedir; زَنْجِيٌّ [zenciyy] müfredidir. Fârisîde zengî ve ülkelerine Zengibâr denir, bu cihetle muʹarreb olması aglebdir. Ve ülkeleri mâ-verâ-yı Ṡaʹîd’de hatt-ı istivâ tahtındadır.
اَلزَّنْجُ [ez-zenc] (zâ’nın fethi ve nûn’un sükûnuyla) Karalardan bir tâ΄ifedir.
Sitemizde detaylı hızlı ve kolay arama ekranı