اَلضِّائِنُ [eḋ-ḋâ΄in] (hemzenin kesriyle) Zaʹîf ve zebûna denir; yukâlu: رَجُلٌ ضَائِنٌ أَيْ ضَعِيفٌ Ve sölpük karınlı adama denir; yukâlu: رَجُلٌ ضَائِنٌ أَيْ مُسْتَرْخِي الْبَطْنِ Ve taʹâmı kalîl güzel bedenli adama denir; yukâlu: هُوَ ضَائِنٌ أَيِ الْحَسَنُ الْجِسْمِ الْقَلِيلُ الطَّعْمِ Ve ak ve yassı kumluğa denir. Ve koyun kısmına denir; cemʹi ضَأْنٌ [ḋa΄n] gelir ḋâd’ın fethi ve hemzenin sükûnuyla, رَكْبٌ [rekb] ve رَاكِبٌ [râkib gibi ve fethateynle câ΄izdir hemze için ve ضَئِينٌ [ḋa΄în] gelir أَمِيرٌ [emîr] vezninde, قَاطِنٌ [ḵâṯin] ve قَطِينٌ [ḵaṯîn] gibi. Mü΄ennesi ضَائِنَةٌ [ḋâ΄inet]tir, cemʹi ضَوَائِنُ [ḋavâ΄in]dir. Mütercim der ki mü΄ellifin beyânı Aḣfeş kavli üzeredir ki ضَأْنٌ [ḋa΄n]ضَائِنٌ [ḋâ΄in]in cemʹidir, مَعِزٌ [meʹiz] ve مَاعِزٌ [mâ΄iz] gibi ve Sîbeveyhi’ye göre ضَأْنٌ [ḋa΄n] ve مَعِزٌ [meʹiz] ism-i cinslerdir.
اَلضَّائِنُ [eḋ-ḋâ΄in] (ḋâd’ın meddi ve yâ’nın kesriyle) مَاعِزٌ [mâʹiz]in mukâbilidir, yaʹnî koyun maʹnâsınadır ki keçinin hilâfıdır.
Sitemizde detaylı hızlı ve kolay arama ekranı