اَلضُّفُّ [eḋ-ḋuff] (ḋâd’ın zammıyla) Kene tarzında bir böcek ismidir ki kül renginde boz olur, bedeni lesʹ eder, zehr-nâk olmakla beden gicişip kabarır; cemʹi ضِفَفَةٌ [ḋifefet]tir, قِرَدَةٌ [ḵiredet] vezninde.
اَلضَّفُّ [eḋ-ḋaff] (ḋâd’ın fethiyle) Sıfattır, zîk ve şiddet maʹnâsındandır; ve minhu yukâlu: رَجُلٌ ضَفُّ الْحَالِ أَيْ رَقِيقُهُ Ve
ضَفٌّ [ḋaff] Nâkanın memesini avuçla sağmak maʹnâsınadır; yukâlu: ضَفَّ النَّاقَةَ ضَفًّا مِنَ الْبَابِ اْلأَوَّلِ إِذَا حَلَبَهَا بِكَفِّهِ كُلِّهَا Ve biriktirmek maʹnâsınadır; yukâlu: ضَفَّ الشَّيْءَ إِذَا جَمَعَهُ Ve üşümüş kimse parmaklarını yumarak âteşe tutup ısıtmak maʹnâsınadır; yukâlu: ضَفَّ الْمُصْطَلِي إِذَا ضَمَّ أَصَابِعَهُ فَقَرَّبَهَا إِلَى النَّارِ
اَلضَّفُّ [eḋ-ḋaff] (ḋâd’ın fethiyle) Nâkayı sağarken el ayasının cemîʹiyle sağmak.
Sitemizde detaylı hızlı ve kolay arama ekranı