Kamus-ı Muhit - الطهر maddesi

اَلطَّهْرُ [eṯ-ṯahr] (قَهْرٌ [ḵahr] vezninde) İbʹâd eylemek maʹnâsınadır; yukâlu: طَهَرَ الشَّيْءَ طَهْرًا مِنَ الْبَابِ الثَّالِثِ إِذَا أَبْعَدَهُ

اَلطَّاهِرُ [eṯ-ṯâhir] ve

اَلطَّهِرُ [eṯ-ṯahir] (كَتِفٌ [ketif] vezninde) ve

اَلطَّهِيرُ [eṯ-ṯahîr] (أَمِيرٌ [emîr] vezninde) Sıfatlardır, pâk nesneye denir; tefâvüt-i sîgaları maʹlûmdur. Cemʹleri أَطْهَارٌ [aṯhâr] ve طَهَارَى [ṯahârâ] gelir râ’nın fethiyle ve طَهِرُونَ [ṯahirûn] gelir. Mü΄ellif teşvîş eylemiştir, أَطْهَارٌ [aṯhâr] طَاهِرٌ [tâhir]in ve طَهَارَى [ṯahârâ] طَهِيرٌ [ṯahîr]in cemʹidir, نَدِيمٌ [nedîm] ve نَدَمَى [nedemâ΄] gibi. Ve طَهِرُونَ [ṯahirûn] طَهِرٌ [tahir]in cemʹidir, فَرِحٌ [feriḩ] ve فَرِحُونَ [feriḩûn] gibi.

اَلطُّهْرُ [eṯ-ṯuhr] (ṯâ’nın zammıyla) ve

اَلطَّهَارَةُ [eṯ-ṯahâret] (ṯâ’nın fethiyle) Pâk olmak maʹnâsınadır; yukâlu: طَهَرَ الشَّيْءُ وَطَهُرَ طُهْرًا وَطَهَارَةً مِنَ الْبَابِ اْلأَوَّلِ وَالْخَامِسِ ضِدُّ نَجُسَ Şârihin beyânına göre طُهْرٌ [ṯuhr] ism dahi olur, pâklık maʹnâsına. Cemʹi أَطْهَارٌ [aṯhâr] gelir, قُفْلٌ [ḵufl] ve أَقْفَالٌ [aḵfâl] gibi; yukâlu: إِمْرَأَةٌ ذَاتُ طُهْرٍ وَهُنَّ ذَوَاتُ أَطْهَارٍ Ve

طُهْرٌ [ṯuhr] ve

طَهَارَةٌ [ṯahâret] Hatun kısmı hayz ve nifâstan gusl edip arı olmak maʹnâsına müstaʹmeldir; yukâlu: طَهَرَتِ الْمَرْأَةُ وَطَهُرَتْ إِذَا انْقَطَعَ دَمُهَا وَاغْتَسَلَتْ مِنَ الْحَيْضِ وَغَيْرِهِ

Vankulu Lugatı - الطهر maddesi

اَلطُّهْرُ [eṯ-ṯuhr] (ṯâ’nın zammı ve hâ’nın sükûnuyla) İsmdir, tahâret maʹnâsına. Ve

طُهْرٌ [ṯuhr] حَيْضٌ [ḩayḋ]ın mukâbiline dahi ıtlâk olunur.Ve sâhib-i Maṡâdırطُهْرٌ [ṯuhr] zamm-ı ṯâ’yla masdardır demiştir. Bu takdîrce Cevherî nakline muhâlif olur.