اَلْعُبُّ [el-ʹubb] (ʹayn’ın zammıyla) رُدْنٌ [rudn] maʹnâsınadır ki libâs yeninin dibine denir ki koltuk tarafına gelen ucudur.
اَلْعَبُّ [el-ʹabb] (ʹayn’ın fethi ve bâ’nın teşdîdiyle) Mutlakan su içmek maʹnâsınadır; ʹalâ-kavlin bir solukta içmeyip yudum yudum yutarak içmektir, جَرْعٌ [cerʹ] maʹnâsına. Yâhûd aralıklarını pek açmayıp tîz tîz birbiri ardınca mütetâbiʹan içmek yâhûd elsiz ve kapsız suya eğilip dâbbe ve hamâme gibi içmek, كَرْعٌ [kerʹ] manâsınadır; yukâlu: عَبَّ الْمَاءَ عَبًّا مِنَ الْبَابِ اْلأَوَّلِ إِذَا شَرِبَهُ أَوْ جَرَعَهُ أَوْ تَابَعَهُ أَوْ كَرَعَهُ
اَلْعَبُّ [el-ʹabb] (ʹayn’ın fethi ve bâ’nın teşdîdiyle) Suyu güvercin gibi eğilip ağızla içmek; yukâlu: عَبَّ الْمَاءَ يَعُبُّ مِنَ الْبَابِ الْأَوَّلِ Ve fi’l-hadîsi: “اَلْكُبَادُ مِنَ الْعَبِّ” Yaʹnî ciger ağrısı suyu vech-i mezbûr üzere içmedendir, güvercin suyu عَبٌّ [ʹabb] tarîkiyle içtiği gibi. Çârpâlar içtiğine dahi عَبٌّ [ʹabb] derler.
Sitemizde detaylı hızlı ve kolay arama ekranı