اَلْعَلَالِيُّ [el-ʹalâliyy] (ʹayn’ın fehi ve lâm-ı sânînin kesriyle) Cemʹi. Ve bu kelime bâb-ı muʹtellde dahi zikr olunmuştur.
اَلْعَلَالِي [el-ʹalâlî] (ʹayn’ın fethi ve lâm-ı sânînin kesri ve meddiyle) Cemʹi, çardaklar maʹnâsına.Pes عِلِّيَّةٌ [ʹilliyyet] فُعِّيلَةٌ [fuʹʹîlet] vezni üzere olur مُرِّيقَةٌ [murrîḵat] gibi. Ve مُرِّيقَةٌ [murrîḵat] mîm’in zammı ve râ΄-i mühmelenin kesri ve teşdîdi ile ve ḵâf ile semirmeğe başlayan at maʹnâsınadır, pes عِلِّيَّةٌ [ʹilliyyet]in aslı عُلِّيوَةٌ idi, vâv yâ’ya tebdîl olunup idgâm olundu, zîrâعِلِّيَّةٌ [ʹilliyyet] kelimesinde olan yâ yâ΄-i nisbet olsa vâv tebdîl olmazdı, دَلْوٌ [delv]in nisbetinde دَلْوِيٌّ [delviyy] deyip tebdîl etmedikleri gibi, zîrâ vâv’ın mâ-kabli sâkin olsa sâhîh hükmünde olup iʹlâl olunmaz. Ve bunun aslı hod عَلَوْتُ den olduğu zâhirdir. Ve ʹayn’ın zammı kesreye tebdîl olunmuştur, mâ-baʹdine tebeʹiyyet için.Ve baʹzılar eyitti: Bu فِعِّيلَةٌ [fiʹʹîlet] vezni üzere muzâʹaftır kesr-i fâ ile ve teşdîd-i ʹayn’la, zîrâ kelâm-ı ʹArabda فُعِّيلَةٌ [fuʹʹîlet] vezni üzere kelime yoktur, fâ’nın zammı ve ʹayn’ın teşdîdiyle.
Sitemizde detaylı hızlı ve kolay arama ekranı