اَلْقَعَرُ [el-ḵaʹar] (fethateynle) ʹAkl ve hûş maʹnâsına müstaʹmeldir; yukâlu: فُلاَنٌ بَعِيدُ الْقَعَرِ وَفُلاَنٌ مَا فِيهِ قَعَرٌ أَيْ عَقْلٌ
اَلْقَعْرُ [el-ḵaʹr] (ḵâf’ın fethi ve ʹayn’ın sükûnuyla) Her şey΄in aksâsına yaʹnî nihâyet-i esfeline denir ki Fârisîde bün ve Türkîde dip ve derin taʹbîr olunur, kuyunun ve denizin dipleri gibi. Cemʹi قُعُورٌ [ḵuʹûr]dur; tekûlu: إِنْتَهَيْتُ قَعْرَ الْبِئْرِ أَيْ أَقْصَاهَا Ve
قَعْرٌ [ḵaʹr] Masdar olur, bir nesnenin dibine erişmek, ʹalâ-kavlin derin eylemek maʹnâsına; yukâlu: قَعَرَ الْبِئْرَ قَعْرًا مِنَ الْبَابِ الثَّالِثِ إِذَا انْتَهَى إِلَى قَعْرِهَا أَوْ عَمَّقَهَا Ve kapta olan şey΄in mecmûʹunu içmek maʹnâsınadır ki sömürmek ve dip göstermek taʹbîr olunur; yukâlu: قَعَرَ الْإِنَاءَ إِذَا شَرِبَ مَا فِيهِ Ve taʹâmı kabın dibinden ekl eylemek maʹnâsınadır ki ekkâl adamlar yağlıca yeri olmakla orasına saldırırlar; yukâlu: قَعَرَ الثَّرِيدَةَ إِذَا أَكَلَهَا مِنْ قَعْرِهَا Ve yere çalmak maʹnâsınadır; yukâlu: قَعَرَهُ إِذَا صَرَعَهُ Ve ağacı dibinden kesmek maʹnâsına müstaʹmeldir; yukâlu: قَعَرَ النَّخْلَةَ إِذَا قَطَعَهَا مِنْ أَصْلِهَا Ve hayvân gayr-i tâmmü’l-hilkat yavru düşürmek maʹnâsınadır; yukâlu: قَعَرَتِ الشَّاةُ إِذَا أَلْقَتْ مَا فِي بَطْنِهَا لِغَيْرِ تَمَامٍ Ve
قَعْرٌ [ḵaʹr] Kavataya ıtlâk olunur, جَفْنَةٌ [cefnet] maʹnâsına. Ve
قَعْرٌ [ḵaʹr] ve
قَعْرَةٌ [ḵaʹret] (تَمْرَةٌ [temret] vezninde) Şol dere tarzında yere ıtlâk olunur ki zemînden ayrılıp açılmakla inip çıkması pek düşvâr ola. Ve
قَعْرٌ [ḵaʹr] Beled maʹnâsına müstaʹmeldir; yukâlu: مَا فِي هَذَا الْقَعْرِ مِثْلُهُ أَيِ الْبَلَدِ
اَلْقَعْرُ [el-ḵaʹr] (ḵâf’ın fethi ve ʹayn’ın sükûnuyla) Derinlik, gerek kuyuda gerek gayrı nesnede. Ve
قَعْرٌ [ḵaʹr] Ağacı dibinden koparmağa da derler; yukâlu: قَعَرْتُ الشَّجَرَةَ قَعْرًا إِذَا قَلَعْتَهَا مِنْ أَصْلِهَا Ve bir nesnenin dibine erişmeğe de derler; yukâlu: قَعَرْتُ الْبِئْرَ أَيْ نَزَلْتُ حَتَّى انْتَهَيْتُ إِلَى قَعْرِهَا وَكَذَلِكَ الْإِنَاءُ إِذَا شَرِبْتَ مَا فِيهِ حَتَّى انْتَهَيْتَ إِلَى قَعْرِهِ
Sitemizde detaylı hızlı ve kolay arama ekranı