اَلْمَحَاقُّ [el-meḩâḵḵ] (mîm’in fethiyle) Şol dişi mevâşîye denir ki geçen sene ne doğurmuş ve ne sütü sağılmış ola.
اَلْمِحَاقُ [el-miḩâḵ] (mîm’in harekât-ı selâsıyla) Ayın âhirine, ʹalâ-kavlin ayın âhirinde olan üç geceye denir yâhûd kamerin nihân olmasından ʹibârettir ki sabâh ve akşam görünmez olur; kamer güneşle berâberce tulûʹ eylemekle güneş nûr-ı kameri مَحْقٌ [maḩḵ] ve mahv eylediği için ıtlâk olundu; yukâlu: جَاءَنِي فِي مِحَاقِ الْقَمَرِ وَهُوَ آخِرُ الشَّهْرِ أَوْ ثَلَاثُ لَيَالٍ مِنْ آخِرِهِ أَوْ هُوَ أَنْ يَسْتَتِرَ الْقَمَرُ فَلَا يُرَى غُدْوَةً وَلَا عَشِيَّةً
اَلْمُحَاقُ [el-muḩâḵ] (mîm’in zammı ile) Ayın âhirinde olan üç gecedir.
Sitemizde detaylı hızlı ve kolay arama ekranı