el-muḋâret ~ اَلْمُضَارَةُ

Kamus-ı Muhit - المضارة maddesi

اَلْمُضَارَةُ [el-muḋâret] (mîm’in zammıyla) Leben-i meḋîrden seyelân eden akıntıya denir.

اَلْمُضَارَّةُ [el-muḋârret] (fi’l-asl مُفَاعَلَةٌ [mufâʹalet] vezninde) ve

اَلضِّرَارُ [eḋ-ḋirâr] (قِتَالٌ [ḵitâl] vezninde) Bu dahi bir adama ziyân eylemek maʹnâsınadır; yukâlu: ضَارَّهُ مُضَارَّةً وَضِرَارًا بِمَعْنَى أَضَرَّهُ Ve muhâlefet eylemek maʹnâsına müstaʹmeldir; yukâlu: ضَارَّ فُلاَنًا إِذَا خَالَفَهُ Ve nâs birbirine pek yakın olup ehadühümâ âhere sıkışıp munzamm olmak maʹnâsına müstaʹmeldir, isâbet-i zarardan me΄hûzdur; ve minhu’l-hadîsu: “أَنَّهُ قِيلَ أَنَرَى رَبَّنَا يَوْمَ الْقِيَامَةِ فَقَالَ أَتُضَارُّونَ فِي رُؤْيَةِ الشَّمْسِ فِي غَيْرِ سَحَابٍ قَالُوا لاَ قَالَ فَإِنَّكُمْ لاَ تُضَارُّونَ فِي رُؤْيَتِهِ تَعَالَىḢ أَيْ لاَ تُضَامُّونَ تَضَامًّا يَدْنُو بَعْضُكُمْ مِنْ بَعْضٍ وَقِيلَ هُوَ مَنْ ضَارَّهُ مُضَارَّةً وَضِرَارًا إِذَا خَالَفَهُ Ke-mâ zukire. Pes evvele göre rü΄yet-i dîdâr-ı ilâhî rezekanallâhu taʹâlâ herkese münferiden müyesser olur demektir. Ve sânîye göre ʹayânen vâzıh ve âşikâr müyesser olmakla sıhhat-i müşâhede bâbında ehadühümâ âhere muhâlefet ve münâzaʹat eylemez olur ki herkes o bâbda müttefikü’l-kavl olur demektir.

Vankulu Lugatı - المضارة maddesi

اَلْمُضَارَّةُ [el-muḋârret] (mîm’in zammı ve râ’nın teşdîdiyle) Kezâlik zarar maʹnâsına; yukâlu: ضَرَّهُ وَضَارَّهُ بِمَعْنًى وَاحِدٍİbnu’s-Sikkît eyitti: ʹArabların “لَا يَضُرُّكَ عَلَيْهِ جَمَلٌ وَلَا يَضُرُّكَ عَلَيْهِ رَجُلٌ” dedikleri لَا يَزِيدُكَ maʹnâsınadır, yaʹnî bu deveden gayrı deve ve bu recülden gayrı recül sana kifâyet etmez. Ve

مُضَارَّةٌ [muḋârret] İnzımâm maʹnâsına da gelir. Ve fi’l-hadîsi: “لَا تُضَارُّونَ فِي رُؤْيَتِهِ” وَبَعْضُهُمْ يَقُولُ “لَا تَضَارُّونَ “بِفَتْحِ التَّاءِ أَيْ “لَا تَضَامُّونَ”

Sıradaki Maddeler

Arama ekranı

Sitemizde detaylı hızlı ve kolay arama ekranı