اَلْمِنْهَلُ [el-minhel] (مِنْبَرٌ [minber] vezninde) Bu dahi kabre denir. Ve be-gâyet kerîm ve sehî adama denir.
اَلْمَنْهَلُ [el-menhel] (مَقْعَدٌ [maḵʹad] vezninde) Hayvân suvaracak ve su içecek suvata denir, pınar ve havuz ve ayazma ve nehr ve ark kenârlarında olan sulak gibi, Fârisîde âb-hûr derler; yukâlu: وَرَدُوا مَنْهَلًا أَيْ مَشْرَبًا Ve su içmek maʹnâsına masdar-ı mîmî olur; yukâlu: نَهَلَ الْمَاءَ مَنْهَلًا إِذَا شَرِبَ Ve suvatı olan mahalle denir; yukâlu: وَرَدُوا مَنْهَلًا أَيْ مَوْضِعًا فِيهِ الْمَشْرَبُ Ve berriyyede misâfir konacak konak yerine denir ki ekserî suvatlı olur; yukâlu: نَزَلُوا مَنْهَلًا أَيْ مَنْزِلًا بِالْمَفَازَةِ
اَلْمَنْهَلُ [el-menhel] (mîm’in ve hâ’nın fethi ve mâ-beynde nûn’un sükûnuyla) Şol yer yüzünde kaynayan pınardır ki otlaklarda develer gelip onda sulanır. Ve
مَنْهَلٌ [menhel] Berriyyede şol konak yerleridir ki müsâfirler onda konarlar. Ve ona مَنْهَلٌ [menhel] dedikleri suyu olduğu içindir.
Sitemizde detaylı hızlı ve kolay arama ekranı