اَلْمُهْرَاقُ [el-muhrâḵ] (mîm’in zammı ve hâ’nın sükûnuyla) Dökülmüş nesne.
اَلْمُهَرَاقُ [el-muherâḵ] (mîm’in zammı ve hâ’nın fethiyle) Kezâlik dökülmüş nesne ve bu şâzzdır. Ve bunun nazîri إِسْطَاعَ يَسْطِيعُ إِسْطِيَاعًا dır mâzîde elifin fethi ve muzâriʹde yâ’nın zammıyla ki أَطَاعَ يُطِيعُ de lügattır, pes sîn’i ʹayne’l-fiʹlin hareketin hazften ʹıvaz kıldılar, nitekim bâb-ı ʹayn’da Aḣfeş’ten rivâyet olunmuştur, pes إِهْرَاقَ da hâ’nın hükmü dahi böyledir. Ve fi’l-hadîsi: “أُهْرِيقَ دَمُهُ” ve maʹlûm ola ki يُهَرِيقُ kelimesinin takdîri hâ’nın fethiyle يُهَفْعِلُ [yuhefʹil]dir. Ve مُهَرَاقٌ [muherâḵ] kelimesinin takdîri kezâlik hâ’nın fethiyle مُهَفْعَلٌ [muhefʹal]dır. Ve ammâ يُهْرِيقُ [yuhrîḵu] kelimesinin takdîri sükûn-ı hâ’yla, onunla tekellüm mümkin değildir, zîrâ hâ ve fâ ikisi de sâkinlerdir, ammâ hâ’nın sükûnu zâhirdir. Ve fâ’nın sükûnu râ-i sâkinden bedel olduğuna binâ΄endir, nitekim يُهَفْعِلُ [yuhefʹilu] kelimesinde mürûr etti. Ve مُهْرَاقٌ [muhrâḵ] kelimesinin dahi takdîrinde hâl budur.
Sitemizde detaylı hızlı ve kolay arama ekranı