جُدَيَّةُ [Cudeyyet] (سُمَيَّةُ [sumeyyet] vezninde) Bir dağın adıdır.
اَلْجَدِيَّةُ [el-cediyyet] (رَمِيَّةٌ [remiyyet] vezninde) ve
اَلْجَدْيَةُ [el-cedyet] (تَمْرَةٌ [temret] vezninde) Eyrim dedikleri içi dolu kepçelice nesnedir ki at eyerinin ve dâbbe semerinin altına korlar; cemʹi جَدِيَّاتٌ [cediyyât] gelir, بَلِيَّاتٌ [beliyyât] vezninde. Bunu gerçi Türkî lügatlerde eyrim ve eğre diyerek beyân ederler, lâkin bu ʹArab ve Türkmene mahsûstur, Fârisîde kefçek denir. Ve
جَدِيَّةٌ [cediyyet] (رَمِيَّةٌ [remiyyet] vezninde) Uzun uzadı akan kana denir. Ve nâhiye maʹnâsınadır. Ve misk kıtʹasına denir. Ve insân çehresinin rengine denir.
اَلْجَدَايَا [el-cedâyâ] (cîm’in fethi ve elifin âhirinde kasrı ile) Cemʹi kezâlik eğrimler maʹnâsına; وَلَا تَقُلِ الْجَدِيدَةُ وَالْعَامَّةُ تَقُولُهُ Ve
جَدِيَّةٌ [cediyyet] Kandan olan yola dahi derler yaʹnî akıp yol gibi olan kana dahi derler. Ve جَدَايَا [cedâyâ] bunun dahi cemʹi gelir. Ve Ebû Zeyd eyitti: جَدِيَّةٌ [cediyyet] bedene yapışan kana ve بَصِيرَةٌ [beṡîret] yer üzerinde olan kana derler.
Sitemizde detaylı hızlı ve kolay arama ekranı