جُرَادٌ [Curâd] (غُرَابٌ [ġurâb] vezninde) Benû Temîm diyârında bir su adıdır.
Şârih der ki bu ism-i cinstir, müfredi جَرَادَةٌ [cerâdet]tir, بَقَرٌ [baḵar] ve بَقَرَةٌ [baḵarat] gibi; te΄nîs ve tezkîri yeksândır. Pes müzekkerinde hakkı lafz-ı âherden olmaktır ki vâhid-i müzekker cemʹe mültebis olmaya, zîrâ esmâ-i kesîresi vardır. İntehâ. Ve
جرَادٌ [Cerâd] Bir mevziʹ ve bir dağ adıdır. Ve
جَرَادٌ [cerâd] Nâs maʹnâsına istiʹmâl olunur; yukâlu: مَا أَدْرِي أَيُّ جَرَادٍ عَارَهُ أَيْ أَيُّ النَّاسِ ذَهَبَ بِهِ Uğruyu جَرَادٌ [cerâd]a teşbîh eylediler.
اَلْجَرَادَةُ [el-cerâdet] (fethateynle kezâlik) Vâhidi, müzekkere ve mü΄ennese ıtlâk olunur. Ve جَرَادٌ [cerâd] çekirgenin müzekkerine mahsûs değildir, belki جَرَادٌ [cerâd] ism-i cinstir; بَقَرٌ [beḵar]la بَقَرَةٌ [beḵaret] ve تَمْرٌ [temr]le تَمْرَةٌ [temret] ve حَمَامٌ [ḩamâm]la حَمَامَةٌ [ḩamâmet] gibi ve bunlara benzer ne ki var ise. Pes bunun müzekkerinin hakkı budur ki lafz-ı âhardan olar, tâ ki vâhid-i müzekker cemʹe mültebis olmaya. Ve
جَرَادٌ [cerâd] Nâs maʹnâsına da gelir; yukâlu: مَا أَدْرِي أَيُّ الْجَرَادِ عَارَهُ أَيْ أَيُّ النَّاسِ ذَهَبَ بِهِ Ve عَارَ [ʹâre] ʹayn-ı mühmele ve râ-i mühmele ile أَذْهَبَ maʹnâsınadır.
Sitemizde detaylı hızlı ve kolay arama ekranı