جُزْرَةُ [Cuzret] (غُرْفَةٌ [ġurfet] vezninde) Yemâme’de bir mevziʹ ve Kûfe ile Feyd beyninde bir dere adıdır.
اَلْجَزَرُ [el-cezer] (fethateynle) Şol arza denir ki ondan suyun meddi müncezir ve munkatıʹ olur. Murâd bahr içre olan arzdır ki onda deryânın meddi kesilir, جَزِيرَةٌ [cezîret] dahi denir ki onunla meşhûrdur, Türkîde ada taʹbîr olunur. Ve
جَزَرٌ [cezer] Maʹrûf bostânî ve yabanî kök ismidir ki Türkîde havuç taʹbîr olunur, gezer-i Fârisî muʹarrebidir. Bevli müdirr ve cimâʹı mukavvî ve dem-i hayzı muhaddir; varakının zımâdı oyulmuş yaralara nâfiʹdir. Ve bunda cîm’in kesriyle de lügattir. Ve
جَزَرٌ [cezer] Semiz koyuna ıtlâk olunur; boğazlanmağa çesbân olmak melhûzuna mebnîdir. Mecmûʹunun müfredi جَزَرَةٌ [cezeret]tir hâ’yla. Ve
جَزَرَةُ [Cezeret] Huffâzdan Ṡâliḩ b. Muḩammed el-Baġdâdî lakabıdır. Ve
جَزَرٌ [cezer] Şol et pârelerine denir ki vuhûş ve tuyûr yemek için kıra vazʹ ederler. Câhiliyye’de mizyâf ve hanedân olanlar mahsûs deve boğazlayıp bu resme vuhûş ve tuyûra ziyâfet ederler idi.
Sitemizde detaylı hızlı ve kolay arama ekranı