Kamus-ı Muhit - جور maddesi

جُوَرُ [Cuver] (زُفَرُ [zufer] vezninde) Iṡfahân kazâsında bir karyedir.

اَلْجَوْرُ [el-cevr] (دَوْرٌ [devr] vezninde) عَدْلٌ [ʹadl] nakîzidir ki zulm ve sitem maʹnâsınadır. Bunda عَلَى ile müteʹaddî olur; yukâlu: جَارَ عَلَيْهِ يَجُورُ جَوْرًا إِذَا ظَلَمَ وَلَمْ يَعْدِلْ Ve

جَوْرٌ [cevr] قَصْدٌ [ḵaṡd] mukâbilidir ki câdde-i muʹtedile-i müstakîmeden sapmaktır, gerek hissî ve gerek maʹnevî olsun; yukâlu: جَارَ فُلاَنٌ ضِدُّ قَصَدَ أَيْ مَالَ عَنِ الْقَصْدِ ve yukâlu: جَارَ عَنِ الطَّرِيقِ إِذَا مَالَ Ve

جَوْرٌ [cevr] جَائِرٌ [câ΄ir] maʹnâsına gelir ki sitem-kâr ve iʹtidâl ve câddeden münharif kimselere denir ve bu mübâlagaten vasf bi’l-masdardır; yukâlu: رَجُلٌ جَوْرٌ أَيْ جَائِرٌ Ve جَائِرٌ [câ΄ir]in cemʹi جَوَرَةٌ [ceveret] gelir, fethateynle ve جُوَرَةٌ [cuveret] gelir cîm’in zammı ve vâv’ın fethiyle ki gayr-i kıyâs üzeredir ve جَارَةٌ [câret] gelir ki ism-i cemʹdir yâhûd aslı جَائِرَةٌ [câ΄iret]tir, cemâʹat iʹtibârıyladır; yukâlu: قَوْمٌ جَوَرَةٌ وَجُوَرَةٌ وَجَارَةٌ أَيْ جَائِرُونَ

جُورُ [Cûr] (نُورٌ [nûr] vezninde) Şîrâz ülkesinde Fîrûzâbâd eyâletinin medînesi yaʹnî kâʹidetü’l-mülkü olan şehrin adıdır. Aʹlâ gülü olmakla verd-i Cûrî ona nisbet olunur. Ve ona ʹulemâdan zevât-ı kesîre mensûbdur. Ve

جُورُ [Cûr] Neysâbûr’da bir mahalle adıdır; aʹlâmdan Muḩammed el-Velîd el-Iṡbahânî el-Cûrî oradandır. جُورُ [cûr] kelimesi mü΄ennes olmakla gayr-i munsarıftır, بَلْدَةٌ [beldet] ve مَحَلَّةٌ [maḩallet] ve ʹucme iʹtibârıyla. Ve baʹzen müzekker ve munsarıf olur. Mütercim der ki مَاهٌ ve جُورٌ bahsi Kâfiye’de meşrûhtur. Ve

جُورٌ [Cûr] Esmâ-i ricâldendir: Muḩammed b. Şucâʹ b. Cûr ve Muḩammed b. İsmâʹîl ki İbn Cûr denmekle meşhûrdur, muhaddislerdir.

Vankulu Lugatı - جور maddesi

جُورٌ [cûr] (cîm’in zammıyla) Bir şehrin ismidir, müzekker ve mü΄ennes istiʹmâl olunur.