جُهُنَّامٌ [Cuhunnâm] (zammeteynle ve nûn-ı müşeddede ile) Aʹşâ nâm şâʹirin tâbiʹası olan cinnînin ismidir. Ve ʹAmr b. Ḵaṯan nâm kimsenin lakabıdır. Bunda kesreteynle de zebân-zededir.
جِهِنَّامٌ [Cihinnâm] (kesreteynle) Ḵays b. Ḩassân’ın feresi ismidir. Ve
جَهَنَّامٌ [cehennâm] (cîm’in harekât-ı selâsıyla) ve
جَهَنَّمٌ [cehennem] (عَمَلَّسٌ [ʹamelles] vezninde) Dibi derin kuyuya denir; yukâlu: رَكِيَّةٌ جَهَنَّامٌ وَجَهَنَّمٌ أَيْ بَعِيدَةُ الْقَعْرِ Ve جَنَّةٌ [cennet] mukâbili olan جَهَنَّمٌ [cehennem] eʹâzenallâhu minhâ onunla tesmiye olundu. Şârih der ki bu sûrette te΄nîs ve ʹalemiyyetle gayr-i munsarıf olur. Ve te΄nîsi müsemmâsı olan بِئْرٌ yâhûd نَارٌ iʹtibârıyladır. Ve baʹzılar aslı gühnâm-ı ʹİbrânî olmasına zâhib olmakla ona göre aʹcemiyye olur.
جِهِنَّامُ [cihinnâm] (kesreteynle ve nûn’un teşdîdiyle) Derin olan kuyu bi΄r-i baʹîdetü’l-kaʹr maʹnâsına, Yûnus rivâyeti üzere. Ve
جِهِنَّامُ [Cihinnâm] ʹAmr b. Ḵaṯan’ın lakabıdır. Ve baʹzılar جِهِنَّامُ [Cihinnâm] Aʹşâ’nın تَابِعَةُ [tâbiʹat]ının ismidir dedi. Ve تَابِعَةُ [tâbiʹat] şol cinne derler ki bir kimsenin ardında yürür, her kanda giderse ile gider.
Sitemizde detaylı hızlı ve kolay arama ekranı