حُرَّانُ [Ḩurrân] (رُمَّانٌ [rummân] vezninde) Iṡfahân’da bir sokağın adıdır.
اَلْحَرَّانُ [el-ḩarrân] (عَطْشَانُ [ʹaṯşân] vezninde)حُرَّةٌ [ḩurret]ten sıfattır, susuz kişiye denir; yukâlu: هُوَ حَرَّانُ أَيْ عَطْشَانُ Mü΄ennesinde حَرَّى [ḩarrâ] denir, عَطْشَى [ʹaṯşâ] gibi. Ve
حَرَّانُ [Ḩarrân] Şuʹarâdan Aḩmed b. Muḩammed el-Maṡîsî lakabıdır. Ve Cezîre-i İbn ʹÖmer’de bir belde adıdır; İmâm Ḩasan b. Muḩammed b. Ebî Maʹşer el-Ḩarrânî oradandır. Ve gâh olur ki nisbetinde حَرْنَانِيٌّ [Ḩarnâniyy] derler gayr-i kıyâs üzere. Şârih der ki faʹlân ve faʹʹâl olması muhteleftir. Ve
حَرَّانُ [Ḩârrân] Baḩreyn kazâsında iki karyedir, Ḩârrânu Kubrâ ve Ḩârrânu Ṡuġrâ derler. Ve Ḩaleb kazâsında bir karyedir. Ve Ġûṯâ-i Dimaşḵ’ta bir karyedir. Ve bâdiyede bir kumluk adıdır.
حَرَّانُ [Ḩarrân] (ḩâ’nın fethiyle) Cezîre’de bir şehrin adıdır, eger bunun vezni فَعْلَانُ [faʹlân] olursa yaʹnî âhirinde nûn zâ΄id olur ise bu bâbdan olur ve eger zâ΄id olmaz ise vezni فَعَّالٌ [faʹʹâl] olup bâb-ı nûn’dan olur.
Sitemizde detaylı hızlı ve kolay arama ekranı