حُمَّيْرٌ [Ḩummeyr] (teşdîd-i mîm’le) (gûyâ ki حُمَّارٌ [ḩummâr]ın musaggarıdır رُمَّانٌ [rummân] vezninde) Esâmîdendir: Ḩumeyr b. Eşcaʹ ashâbdandır ve Ḩumeyr b. ʹAdiyy el-ʹÂbid muhaddistir.
حُمَيْرٌ [Ḩumeyr] (زُبَيْرٌ [zubeyr] vezninde) Esâmîdendir: ʹAbdullâh ve ʹAbdurraḩmân ibnâ Ḩumeyr b. ʹAmr, Cemel vakʹasında Hazret-i ʹA΄işe tarafında olarak katl olundular.
حِمْيَرُ [Ḩimyer] (دِرْهَمٌ [dirhem] vezninde) Yemen’de Ṡanʹâ nâm şehrin garbîsinde bir mevziʹ adıdır. Ve bir kabîle pederinin ismidir ki Ḩimyer b. Sebe΄ b. Yeşcub b. Yaʹrub b. Ḵaḩṯân’dır; kabîle-i mezkûre onunla müştehirdir. Ve Ḣârice b. Ḩimyer sahâbîdir, ʹalâ-kavlin bu حُمَيْرٌ [Ḩumeyr]dir ki حِمَارٌ [ḩimâr]ın musaggarıdır yâhûd cîm’ledir, niteki mâddesinde zikr olundu.
حِمْيَرُ [Ḩimyer] (ḩâ’nın kesri ve mîm’in sükûnu ve yâ’nın fethiyle) Bir kabîlenin babasının ismidir ki o Ḩimyer b. Sebe΄ b. Yeşcub b. Yaʹrub b. Ḵaḩṯân’dır. Ve zamân-ı evvelde mülûk onlardan olurdu. Ve Ḩimyer’in ʹalemi عَرَنْجَجٌ [ʹarencec] idi, سَفَرْجَل [sefercel] vezni üzere fethateynle.
Sitemizde detaylı hızlı ve kolay arama ekranı