سَمْعُ الْكِيَانِ [Semʹu’l-Kiyân] (جَمْعُ الْقِيَانِ [cemʹu’l-ḵiyân] vezninde) ʹAcem tâ΄ifesinin bir kitâbları ismidir. Mütercim-i hakîr der ki ʹAbdulḵâdir-i Baġdâdî ʹaleyhi’r-rahme dedi ki كِيَانٌ [kiyân] Fürs-i kadîm lisânında ʹanâsır ve tabâyiʹ maʹnâsınadır. Ve سَمْعُ الْكِيَانِ [Semʹu’l-Kiyân] sîn’in fethi ve kesriyle muzâf olarak bir kitâb ismidir ki Arisṯû te΄lîfidir, mebâdî-i ʹilm-i tabîʹîyi müştemildir, ecsâm beyninde müşterek olan ahvâlin tabâyiʹinden bahs eder. Ve İmâm Cevâlîḵî Edebu’l-Kâtib nâm kitâbın hutbesi şerhinde dedi ki Semʹu’l-Kiyân Arisṯû mü΄ellefâtından bir kitâbdır, كِيَانٌ [kiyân] Süryânîde tabîʹat maʹnâsınadır. Ve ʹinde’l-hukemâ΄ tabîʹat-ı ecsâmı mevâziʹine sarf ve tahrîk eden maʹnâdan ʹibârettir, mücessedi semt-i esfele ve nârı semt-i ʹulvîye tahrîk eden maʹnâ gibi. Ve شَمْعٌ [şemʹ] şîn-i muʹceme ile صِيتٌ [ṡît] maʹnâsınadır. Kitâb-ı mezbûr mebâdî-i ʹilm-i tabîʹî olmak hasebiyle müteʹallimin ʹilm-i mezbûrdan ibtidâ gûş-zedi olmakla tesmiye eylemiştir. Baʹdehu taʹrîb edip mühmele ile سَمْعُ الْكِيَانِ [Semʹu’l-Kiyân] dediler.
سَمْعُ اَلْكِيَانِ [Semʹu’l-Kiyân] (kâf’ın kesri ve yâ’nın tahfîfiyle) ʹAcem tâ΄ifesine mensûb bir kitâbın ismidir.
Sitemizde detaylı hızlı ve kolay arama ekranı