صِفِّينُ [Ṡiffîn] (سِجِّينٌ [siccîn] vezninde) Raḵḵa kurbünden nehr-i Furât kenârında bir mevziʹ ismidir ki onda İmâm bi’l-hakk Emîrü’l-mü΄minîn kerremallâhu vechehu ve Muʹâviye b. Ebî Sufyân beyninde vakʹa-i ʹazîme-i meşhûre vâkiʹ oldu. Hicretin otuz yedinci senesinin mâh-ı saferi gurresinde vukûʹ bulmakla min-baʹd nâs saferde seferden ihtirâz eder oldular. Mütercim der ki Miṡbâḩ’ın beyânına göre işbu صِفِّينُ [ṡiffîn] kelimesi صَفٌّ mâddesinden فِعْلِينٌ [fiʹlîn]dir ki nûn’u zâ΄idedir yâhûd صُفُونٌ [ṡufûn] mâddesinden فِعِّيلٌ [fiʹʹîl]dir ki nûn’u asliyyedir. Pes bunda dahi emsâli gibi iki gûne iʹrâb cârî olur: Biri nûn’un mâ-kablinde olup nûn cemʹ-i selâmet gibi dâ΄imâ meftûh olur, صِفِّينَ [ṡiffîne] ve صِفُّونَ [ṡiffûne] denir ve biri nûn harf-i iʹrâb olur.
صِفِّينٌ [Ṡiffîn] (ṡâd’ın kesri ve fâ’nın kesri ve teşdîdiyle) Bir mevziʹin ismidir ki Hazret-i ʹAlî ve Muʹâviye radıyallâhu ʹanhumâ vakʹaları onda olmuştur.
Sitemizde detaylı hızlı ve kolay arama ekranı