Kamus-ı Muhit - عقد maddesi

عُقَدُ [ʹUḵad] (صُرَدٌ [ṡurad] vezninde yâhûd كَتِفٌ [ketif] vezninde) Baṡra ile Ḋariyye beyninde bir mevziʹdir.

اَلْعَقَدُ [el-ʹAḵad] (fethateynle) Becîle’den ʹalâ-kavlin Yemen’den bir kabîle adıdır ki Bişr b. Muʹâž ve Ebû ʹÂmir ʹAbdulmelik b. ʹAmr o kabîledendir. Ve

عَقَدٌ [ʹaḵad] Masdar olur, bir adamın lisânında tutkunluk maʹnâsına ki talâkatle tekellüme muktedir olmaz; yukâlu: عَقِدَ الرَّجُلُ عَقَدًا مِنَ الْبَابِ الرَّابِعِ إِذَا كَانَ فِي لِسَانِهِ عُقْدَةٌ Ve çiftleşmiş dişi köpeğin ferci erkeğin âletine yapışıp sıkmak maʹnâsınadır; yukâlu: عَقِدَتِ اللَّعْوَةُ إِذَا تَشَبَّثَتْ ظَبْيَتُهَا بِبُسْرَةِ قَضِيبِ الثَّمْثَمِ Ve

عَقَدٌ [ʹaḵad] Dertop irkilmiş kum kümesine denir.

اَلْعَقْدُ [el-ʹaḵd] (ʹayn’ın fethi ve ḵâf’ın sükûnuyla) Düğüm bağlamak maʹnâsınadır ki düğmek ve düğümlemek taʹbîr olunur, hissî ve maʹnevîden eʹammdır; yukâlu: عَقَدَ الْحَبْلَ وَالْبَيْعَ وَالْعَهْدَ عَقْدًا مِنَ الْبَابِ الثَّانِي إِذَا شَدَّهُ Ve “Filân kimseye filâne sığınıp penâh getirdi” diyecek yerde عَقَدَ فُلاَنٌ عُنُقَهُ إِلَى فُلاَنٍ derler. Ve

عَقْدٌ [ʹaḵd] Bir nesneyi hisâb eylemek maʹnâsına müstaʹmeldir; yukâlu: عَقَدَ الْحَاسِبُ إِذَا حَسَبَ Ve kefîl ve zâmin olmak maʹnâsına müstaʹmeldir; tekûlu: عَقَدْتُ لَهُ أَيْ كَفَلْتُ Ve عَهْدٌ [ʹahd] maʹnâsına müstaʹmeldir; tekûlu: عَقَدْتُهُ عَلَيْهِ أَيْ عَاهَدْتُهُ Ve

عَقْدٌ [ʹaḵd] Vasf olur, arkası dirnekli muhkem ve metîn erkek deveye denir; yukâlu: جَمَلٌ عَقْدٌ أَيْ مُوَثَّقُ الظَّهْرِ

Vankulu Lugatı - عقد maddesi

اَلْعَقَدُ [el-ʹaḵad] (fethateynle) Dil tutkun olmak; yukâlu: عَقِدَ لِسَانُهُ يَقْعَدُ عَقَدًا Ve

عَقِدٌ [ʹaḵid] Kum yığınlarına dahi derler ki vâhidi عَقِدَةٌ [ʹaḵidet]tir, Ebû ʹAmr rivâyeti üzere.

اَلْعُقَدُ [el-ʹuḵad] (ʹayn’ın zammı ve ḵâf’ın fethiyle) عُقْدَةٌ [ʹuḵdet]in cemʹidir, gazab maʹnâsına da istiʹmâl olunur; yukâlu li’r-reculi izâ sekene gazabuhu: قَدْ تَحَلَّلَتْ عُقَدُهُ Ve

عُقَدٌ [ʹuḵad] Kezâlik şol kavme derler ki bir yere yığılmış ola. Müfredi اَلْعَقِدَةُ [el-ʹaḵidet] ʹayn’ın fethi ve ḵâf’ın kesriyle.