أُدَيْمٌ [Udeym] (زُبَيْرٌ [zubeyr] vezninde) Tihâme ile Yemen beyninde Tešamp;lîšamp; nâm mevziʹe mücâvir bir mevziʹ adıdır.
أُدَيِّمٌ [Udeyyim] (غُلَيِّمٌ [ġuleyyim] vezninde) Serât ile Tihâme ve Yemen beyninde bir arzın ismidir. Ve Vâdi’l-Ḵurâ yanında bir mevziʹ adıdır.
اَلْأَدِيمُ [el-edîm] (أَمِيرٌ [emîr] vezninde) Katık olmuş taʹâma denir; yukâlu: طَعَامٌ أَدِيمٌ أَيْ مَأْدُومٌ Ve
أَدِيمٌ [Edîm] Hužeyl bilâdında bir mevziʹ adıdır. Ve Ebreş-i Kelbî feresinin ismidir. Ve deriye denir, جِلْدٌ [cild] maʹnâsına yâhûd kırmızıya boyanmışına denir; ʹalâ-kavlin dibâgat olunmuş deriye denir ki sahtiyân taʹbîr olunur; cemʹi آدِمَةٌ [âdimet] gelir hemzenin meddiyle ki أَفْعِلَةٌ [efʹilet] veznindedir ve أُدُمٌ [udum] gelir zammeteynle ve آدَامٌ [âdâm] gelir hemzenin meddiyle ve أَدَمٌ [edem] gelir fethateynle ki bu ism-i cemʹdir; yukâlu: قَطَعَ الْأَدِيمَ أَيِ الْجِلْدَ أَوْ هُوَ أَحْمَرُهُ أَوْ مَدْبُوغُهُVe minhu yukâlu: ظَلَّ صَائِمًا أَدِيمَ النَّهَارِ أَيْ عَامَّتُهُ Yaʹnî “Bütün gündüz sâ΄im oldu.”Ev yukâlu: أَعْجَبَنِي الْيَوْمَ أَدِيمُ النَّهَارِ أَيْ بَيَاضُهُ وَتَقُولُ جِئْتُكَ أَدِيمَ الضُّحَى أَيْ فِي أَوَّلِهِ وَيُقَالُ لَيْسَ تَحْتَ أَدِيمِ السَّمَاءِ وَفَوْقَ أَدِيمِ الْأَرْضِ أَكْرَمُ مِنْهُ وَهُوَ مَا ظَهَرَ مِنْهُمَا
Sitemizde detaylı hızlı ve kolay arama ekranı