اَلْإِجبَاءُ [el-icbâ΄] (hemzenin kesriyle) Deve sâhibi zekât almağa mübâşir olan kimseden develerini kaçırıp nâ-bedîd eylemek maʹnâsınadır; yukâlu: أَجْبَى إِبِلَهُ إِذَا غَابَهَا عَنِ الْمُصَدِّقِ Ve ekinin salâhı zâhir olmazdan mukaddem satmak maʹnâsınadır; yukâlu: أَجْبَى زَرْعَهُ إِذَا بَاعَهُ قَبْلَ بُدُوِّ صَلاَحِهِ
الإِجْبَاءُ [el-icbâ΄] (hemzenin kesriyle) Yerde mantar çok olmak maʹnâsınadır; yukâlu: أَجْبَأَ الْمَكَانُ إِذَا كَثُرَ بِهِ الْكَمْءُ Ve tarlada olan ekini henüz idrâk eylemezden mukaddem satmak maʹnâsınadır; yukâlu: أَجْبَأَ الزَّرْعَ إِذَا بَاعَهُ قَبْلَ بُدُوِّ صَلاَحِهِ Ve pinhân eylemek maʹnâsınadır; yukâlu: أَجْبَأَ الشَّيْءَ إِذَا وَارَاهُ Ve bayır ve tepe gibi bir mürtefiʹ mahalden nâgehânî çıkagelmek maʹnâsınadır; yukâlu: أَجْبَأَ عَلَى الْقَوْمِ إِذَا أَشْرَفَ عَلَيْهِمْ يَعْنِي طَلَعَ عَلَيْهِمْ فُجَاءَةً مِنْ مَحَلٍّ عَالٍ
اَلْإِجْبَاءُ [el-icbâ΄] (hemze’nin kesriyle) Mantar çok olmak; yukâlu: أَجْبَأَتِ الْأَرْضُ إِذَا كَثُرَتْ كَمْأَتُهَا Yaʹnî mantarı çok olsa. Ve salâhı zâhir olmadın ekini satmak maʹnâsına da gelir; ve câ΄e fi’l-hadîsi bilâ- hemzi: “مَنْ أَجْبَى فَقَدْ أَرْبَى” Ve asluhu’l-hemzu.
Sitemizde detaylı hızlı ve kolay arama ekranı