اَلْمُبْرَمُ [el-mubrem] (مُكْرَمٌ [mukrem] vezninde) İki kat bükülmüş iplikle dokunmuş sevbe denir; yukâlu: ثَوْبٌ مُبْرَمٌ أَيِ الْمَفْتُولُ الْغَزْلِ طَاقَيْنِ Ve bir cins bez ismidir ki boğası dedikleridir, taşra memleketlerde mebrûm taʹbîr ederler,iki kat iplikten nesc olunur.
اَلْمُبْرِمُ [el-mubrim] (مُحْسِنٌ [muḩsin] vezninde) بَرَمٌ [berem] yaʹni iri meşe ağacı yemişini derip devşiren adama denir. Ve بُرْمَةٌ [burmet] dedikleri çömlek yapan, ʹalâ-kavlin dağlardan o çömlek taşlarını katʹ eden adama denir; yukâlu: رَجُلٌ مُبْرِمٌ أَيْ صَانِعُ الْبُرْمَةِ أَوْ هُوَ مَنْ يَقْتَلِعُ حِجَارَتَهَا مِنَ الْجِبَالِ Ve sakîl ve girân-cân kimseye ıtlâk olunur, gûyâ ki hem-demlerinin vücûdlarını kalʹ ve kamʹ eder; yukâlu: رَجُلٌ مُبْرِمٌ أَيْ ثَقِيلٌ Ve dâ΄imâ beyhûde ve bî-maʹnâ efsâne-gûy olan kimseye ıtlâk olunur; yukâlu: هُوَ مُبْرِمٌ أَيْ غَثُّ الْحَدِيثِ
اَلْمُبْرَمُ [el-mubrem] (mîm’in zammı ve râ’nın fethi ile) Bükülmüş olan iki ipi büküp bir eylemek.
Sitemizde detaylı hızlı ve kolay arama ekranı