اَلْمُحَبِّرُ [el-Muḩabbir] (مُحَدِّثٌ [muḩaddišamp;] vezninde) Şâʹir ve fâris olan Rebîʹa b. Sufyân’ın lakabıdır. Ve şuʹarâ-yı câhiliyyeden Ṯufeyl b. ʹAvf-ı Ġanevî’nin lakabıdır, şiʹri güzel nazm eylediği için.
اَلْمُحَبَّرُ [el-Muḩabber] (مُعَظَّمٌ [muʹażżam] vezninde) Mâlik b. Nuveyre’nin kâtili olan Ḋirâr b. Ezver nâm kimsenin feresi adıdır. Ve
مُحَبَّرٌ [muḩabber] Şol adama denir ki gövdesini pireler ekl eylemekle câ-be-câ pîre yenikleri kalmış ola; yukâlu: مُحَبَّرٌ إِذَا صَارَ قَدْ أَكَلَ الْبَرَاغِيثُ جِلْدَهُ فَبَقِيَفِيهِ حَبَرٌ أَيْ أَثَرٌ Ve güzel ve mevzûn yonulmuş oka denir; yukâlu: قِدْحٌ مُحَبَّرٌ إِذَا كَانَ قَدْ أُجِيدَ بَرْيُهُ Ve şol koyuna denir ki gözlerinde ak ve kara alacaları ola; yukâlu: شَاةٌ مُحَبَّرٌ إِذَا كَانَ فيِ عَيْنَيْهَا تَحْبِيرٌ مِنْ سَوَادٍ وَبَيَاضٍ
Sitemizde detaylı hızlı ve kolay arama ekranı