الْمُدَارَأَةُ [el-mudâre΄et] (مُفَاعَلَةٌ [mufâʹalet] vezninde) Müdâfaʹa maʹnâsınadır; yukâlu: دَارَأْتُهُ أَيْ دَارَيْتُهُ وَدَافَعْتُهُ Ve mülâyene maʹnâsınadır ki rıfk ve lutf ve sühûletle muʹâmele eylemek maʹnâsınadır; yukâlu: دَارَأْتُهُ أَيْ لاَيَنْتُهُ Bu sûrette azdâddan olur.
اَلْمُدَارَأَةُ [el-mudâre΄et] Muhâlefet ve müdâfaʹat maʹnâsına; yukâlu: فُلَانٌ لَا يُدَارِئُ وَلَا يُمَارِئُ Yaʹnî “Ne muhâlefet ve ne hod-münâzeʹat eder.” Ammâ müdârât ki hüsn-i hulkta istiʹmâl olunur, onda iki rivâyet vardır: Biri mehmûz olmaktır: دَارَأْتُهُ den me΄hûz olmakla دَافَعْتُهُ maʹnâsına, yaʹnî ﴿إِدْفَعْ بِالَّتِي هِيَ أَحْسَنُ﴾ (المؤمنون 96) maʹnâsına. Biri de gayr-i mehmûz olmaktır دَارَيْتُهُ den me΄hûz olmakla اِتَّقَيْتُهُ وَلَايَنْتُهُ maʹnâsına.
Sitemizde detaylı hızlı ve kolay arama ekranı