Kamus-ı Muhit - المرة maddesi

اَلْمَرَّةُ [el-merret] (كَرَّةٌ [kerret] vezninde) Bir kerre işlemek, faʹle-i vâhide maʹnâsınadır. Cemʹ-i cinsi مَرٌّ [merr] gelir hâ’sız ve cemʹ-i sîgı مِرَارٌ [mirâr] gelir, كِرَارٌ [kirâr] gibi ve مِرَرٌ [mirer] gelir, عِنَبٌ [ʹineb] vezninde ve مُرُورٌ [murûr] gelir mîm’in zammıyla.

اَلْمُرَّةُ [el-murret] (mîm’in zammıyla) Bir nevʹ şecer yâhûd bir nevʹ bakla adıdır. Cemʹ-i cinsi مُرٌّ [murr]dur hâ’sız ve cemʹ-i sîğı أَمْرَارٌ [emrâr]dır. Ve

مُرَّةٌ [Murret] Esâmîdendir: Murre b. Kaʹb, Ḵureyş’ten bir kabîle pederidir. Ve Murre b. Ḵays, Ġaylân kabîlesinden bir kabîle pederidir.

اَلْمِرَّةُ [el-mirret] (mîm’in kesriyle) Emzice-i bedenden bir mizâc ismidir ki safrâ taʹbîr olunur. Ve

مِرَّةٌ [mirret] مَرٌّ [merr] gibi masdar olur, bir adama safrâ galebe eylemek maʹnâsına; tekûlu: مُرِرْتُ بِهِ عَلَى بِنَاءِ الْمَجْهُولِ أُمَرُّ مَرًّا وَمِرَّةً أَيْ غَلَبَتْ عَلَيَّ الْمِرَّةُ Ve

مِرَّةٌ [mirret] Halkın kuvvet ve şiddetine denir. Cemʹi مِرَرٌ [mirer] gelir, عِنَبٌ [ʹineb] vezninde ve أَمْرَارٌ [emrâr] gelir; yukâlu: رَجُلٌ ذُو مِرَّةٍ أَيْ قَوِيٌّ شَدِيدٌ Cibrîl-i emîn hazretlerine ذُو مِرَّةٍ [Žû Mirret] ıtlâkı bu cihetledir, ke-mâ fî-kavlihi taʹâlâ: ﴿ذُو مِرَّةٍ فَاسْتَوَى﴾ الآية Ve

مِرَّةٌ [mirret] ʹAkl ve hûş maʹnâsına müstaʹmeldir. Ve asâlet ve ihkâm ve metânet maʹnâsınadır. Ve zor ve kuvvet maʹnâsınadır; yukâlu: بِهِ مِرَّةٌ أَيْ عَقْلٌ وَكَذَا أَصَالَةٌ وَإِحْكَامٌ وَكَذَا قُوَّةٌ Ve bükülmüş ip kelebine ve kankalına denir, طَاقَةُ الْحَبْلِ [ṯâḵatu’l-ḩabl] maʹnâsınadır.

Vankulu Lugatı - المرة maddesi

اَلْمَرَّةُ [el-merret] (mîm’in fethiyle) Bir kerre demek olur.

اَلْمِرَّةُ [el-mirret] (mîm’in kesriyle) Safrâdır ki dört tabîʹatın biridir. Ve

مِرَّةٌ [mirret] Kuvvete dahi derler ve şiddet-i ʹakla dahi derler.