اَلْمُرَبَّعُ [el-murabbaʹ] (مُعَظَّمٌ [muʹażżam] vezninde) Dört köşeli nesneye denir. Ve hâfız-ı Baġdâd Muḩammed b. İbrâhîm el-Enmâṯî lakabıdır. Ve
إِبْنُ مُرَبَّعٍ [İbn Murabbaʹ] Muḩammed b. ʹAbdullâh b. ʹAttâb nâm muhaddisin künyesidir ki onunla müteʹâreftir.
اَلْمُرْبِعُ [el-murbiʹ] (مُحْسِنٌ [muḩsin] vezninde) Bahâr vaktinde doğuran nâkaya denir, ʹalâ-kavlin yavrusu kendisiyle bilece olanına denir; yukâlu: نَاقَةٌ مُرْبِعٌ إِذَا كَانَتْ تُنْتَجُ فِي الرَّبِيعِ أَوِ الَّتِي وَلَدُهَا مَعَهَا Ve dolmuş geminin yelkenine denir; yukâlu: رَفَعَ النُّوتِيُّ اَلْمُرْبِعَ وَهُوَ شِرَاعُ السَّفِينَةِ الْمَلْآى
اَلْمَرْبَعُ [el-merbaʹ] (مَقْعَدٌ [maḵʹad] vezninde) رَبْعٌ [rebʹ] gibi bahâra mahsûs ikâmet-gâha denir; yukâlu: هَذَا رَبْعُهُمْ وَمَرْبَعُهُمْ أَيْ مَوْضِعُهُمْ يَرْتَبِعُونَ فِيهِ فِي الرَّبِيعِ Ve
مَرْبَعٌ [Merbaʹ] Bir mevziʹ adıdır.
اَلْمِرْبَعُ [el-mirbaʹ] (مِنْبَرٌ [minber] vezninde) ve
اَلْمِرْبَعَةُ [el-mirbeʹat] (مِكْنَسَةٌ [mikneset] vezninde) Şol değneğe denir ki dâbbeye yük yükletenler onu dengin altına sokup bir ucunu biri ve bir ucunu âheri alıp kaldırmakla yükletirler. Ve
مِرْبَعٌ [Mirbaʹ] Ashâbdan ʹAbdullâh ve ʹAbdurraḩmân ve Zeyd ve Murâre nâm zevâtın pederleri ismidir ki gözleri ve münâfikînden olmakla basîreti dahi aʹmâ idi. Ve Cerîr nâm şâʹirin râvî-i şiʹri olan Vaʹvaʹa b. Saʹd’ın lakabıdır.
اَلْمُرْبِعُ [el-murbiʹ] (mîm’in zammı ve bâ’nın kesriyle) Şol nâkadır ki vakt-i rebîʹde doğura.
اَلْمَرْبَعُ [el-merbaʹ] (mîm’in ve bâ’nın fethiyle) Şol menzildir ki vakt-i rebîʹa mahsûstur.
Sitemizde detaylı hızlı ve kolay arama ekranı