اَلْمُقْرَمُ [el-muḵrem] (مُكْرَمٌ [mukrem] vezninde) Şol erkek deveye denir ki kullanılmayıp hemân döl için hıfz ve perverde ola, قَرْمٌ [ḵarm] gibi; yukâlu: فَحْلٌ مُقْرَمٌ إِذَا كَانَ لَا يُحْمَلُ عَلَيْهِ وَلَا يُذَلَّلُ وَإِنَّمَا هُوَ لِلْفِحْلَةِ
اَلْمِقْرَمُ [el-miḵrem] (مِنْبَرٌ [minber] vezninde) ve
اَلْمِقْرَمَةُ [el-miḵremet] (مِكْنَسَةٌ [mikneset] vezninde) قِرَامٌ [ḵirâm] maʹnâsınadır ki zikr olunan perde yâhûd zardır. Ve döşek çarşafına denir ki içine döşek sarılır. Mütercim der ki yüz silecek mendile مِقْرَمَةٌ [miḵremet] taʹbîri mîm’in kesriyledir, lisân-ı nâsta mîm’in fethiyle mütedâvildir ve bu müvelleddir.
اَلْمُقْرَمُ [el-muḵrem] (mîm’in zammı ve râ’nın fethi ile) Şol devedir ki muʹazzez ve mükerrem olup üzerine yük vurulmayıp kullanılmaya, belki mücerred döl için hıfz oluna.
اَلْمِقْرَمُ [el-miḵrem] (mîm’in kesri ve râ’nın fethiyle) Bi-manâhu.
Sitemizde detaylı hızlı ve kolay arama ekranı