بَرْوَعُ [Bervaʹ] (bâ’nın fethiyle جَرْوَلٌ [cervel] vezninde) Bintu Vâşiḵ’tir ki sahâbiyyedir; bâ’nın kesri câ΄iz değildir. Ve ʹUbeyd b. Ḩuṡayn en-Numeyrî nâm çobanın nâkası ismidir ki ona mebnî Cerîr hicviyyesinde Cendel b. er-Râʹî’ye بَرْوَعُ [bervaʹ] ıtlâk eylemiştir.
اَلْبَرَاعَةُ [el-berâʹat] (سَمَاحَةٌ [semâḩat] vezninde) ve
اَلْبُرُوعُ [el-burûʹ] (قُعُودٌ [ḵuʹûd] vezninde) Bir adam ʹilm ve şecâʹat makûlesi evsâfta ashâb ve emsâline fâʹik ve ser-bülend olmak, ʹalâ-kavlin cemâl ve fazîlet gibi her vasfta tâm ve kâmil olmak maʹnâsınadır; yukâlu: بَرُعَ الرَّجُلُ وَبَرِعَ وَبَرَعَ بَرَاعَةً وَبُرُوعًا مِنَ الْبَابِ الْخَامِسِ وَالرَّابِعِ وَالْأَوَّلِ إِذَا فَاقَ أَصْحَابَهُ فِي الْعِلْمِ وَغَيْرِهِ أَوْ تَمَّ فِي كُلِّ فَضِيلَةٍ وَجَمَالٍ Ve
بُرُوعٌ [burûʹ] Gâlib olmak maʹnâsınadır; yukâlu: بَرَعَ صَاحِبَهُ بُرُوعًا مِنَ الْبَابِ اْلأَوَّلِ إِذَا غَلَبَهُ
بَرْوَعٌ [Bervaʹ] (جَعْفَر [caʹfer] vezni üzere) Bir nâkanın ismidir. Ve
بَرْوَعٌ [Bervaʹ] Kezâlik bir ʹavretin ismidir ki o Bervaʹ bint Vâşiḵ’tir. Ve ashâb-ı hadîs بَرْوَعٌ [Bervaʹ]ı bâ’nın kesriyle istiʹmâl eder, lâkin savâb olan fethidir, zîrâ kelâm-ı ʹArabda فِعْوَلٌ [fiʹvel] yoktur, illâ خِرْوَعٌ [ḣirvaʹ] ve عِتْوَدٌ [ʹİtved] vardır ki خِرْوَعٌ [ḣirvaʹ] bir otun adıdır ve عِتْوَدٌ [ʹİtved] bir derenin adıdır.
Sitemizde detaylı hızlı ve kolay arama ekranı