خُمَيْرٌ [Ḣumayr] (زُبَيْرٌ [zubeyr] vezninde) Yemen’de Saʹde’den yukarıda bir su adıdır. Ve
خُمَيْرٌ [Ḣumeyr] Esâmîdendir: Ḣumeyr b. Ziyâd ve Ḣumeyr er-Reḩabî ve Yezîd b. Ḣumeyr muhaddislerdir. Ve Ebû Ḣumeyr b. Mâlik tâbiʹîndendir. Ve Ḣârice b. el-Ḣumeyr cîm mâddesinde güzerân eyledi.
اَلْخَمِيرُ [el-ḣamîr] (أَمِيرٌ [emîr] vezninde) Mâye katılmış hamura denir. عَجِينٌ [ʹacîn] yoğrulup henüz mâye katılmamış olanına denir. Ve mâyeye dahi denir, خَمِيرَةٌ [ḣamîret] dahi derler hâ’yla. Ve
خَمِيرٌ [Ḣamîr] Esâmîdendir: Ḣamîr b. Muḩammed ež-Žekvânî ve Muḩammed b. Ḣamîr el-Ḣârezmî ve belediyyuhu Ṡâʹid b. Manṡûr b. Ḣamîr muhaddislerdir.
اَلْخَمِيرُ [el-ḣamîr] (ḣâ’nın fethi ve mîm’in kesri ve meddiyle) ve
اَلْخَمِيرَةُ [el-ḣamîret] (kezâlik ḣâ’nın fethi ve mîm’in kesri ve meddiyle) Şol mâyadır ki hamura katılır. Ve
خَمِيرٌ [ḣamîr] Bâbet maʹnâsına dahi gelir; yukâlu: عِنْدِي خُبْزٌ خَمِيرٌ وَحَيْسٌ فَطِيرٌ Ve حَيْسٌ [ḩays] ḩâ-i mühmelenin fethiyle ve yâ’nın sükûnu ve sîn-i mühmele ile yağla hurmâdan olan taʹâmdır.
Sitemizde detaylı hızlı ve kolay arama ekranı