دُبَيْرٌ [Dubeyr] (زُبَيْرٌ [zubeyr] vezninde) Esed kabîlesinden bir kabîle pederinin ismidir. Ve bir hımâr adıdır. Ve Kaʹb b. ʹAmr el-Esedî lakabıdır.
اَلدَّبِيرُ [ed-debîr] (أَمِيرٌ [emîr] vezninde) دُبْرٌ [dubr]den faʹîldir, bu münâsebetle maʹsiyette istiʹmâl olundu, niteki قَبِيلٌ [ḵabîl] tâʹatta istiʹmâl olundu ve minhu yukâlu: عَرَفَ فُلاَنٌ قَبِيلَهُ مِنْ دَبِيرِهِ أَيْ مَعْصِيَتَهُ مِنْ طَاعَتِهِ Burada tefsîr-i leff-i müşevveştir. Ve
دَبِيرٌ [debîr] Nisvân ipliği eğirip bükerken ardına doğru çektiği tele ıtlâk olunur, niteki mukâbiline قَبِيلٌ [ḵabîl] ıtlâk olunur; ve minhu yukâlu: فُلاَنٌ لاَ يَعْرِفُ قَبِيلَهَ مِنْ دَبِيرِهِ Murâd ardını önünü bilmez, nâdân ve bî-idrâktir demektir.
دُبَيْرٌ [Dubeyr] (dâl’ın zammıyla ve bâ’nın fethiyle sîga-i tasgîr üzere) Benî Esed’den bir kabîlenin ismidir.
Sitemizde detaylı hızlı ve kolay arama ekranı